Tere Gumnaam Ager Naam Kamane Lag Jayen

تیرے گمنام اگر نام کمانے لگ جائیں
شرف و شیوہ و تسلیم ٹھکانے لگ جائیں

جس طرح نور سے پیدا ہے جہانِ اشیاء
اک نظر ڈال کے ہم بھی نظر آنے لگ جائیں

یہ بھی ممکن ہے کوئی روکنے والا ہی نہ ہو
یہ بھی ممکن ہے یہاں مجھ کو زمانے لگ جائیں

دیکھ اے حسنِ فراواں یہ بہت ممکن ہے
میرا دل تک نہ لگے تیرے خزانے لگ جائیں

جن کے ہونے سے ہے مشروط ہمارا ہونا
اپنے ہونے کا نہ احساس دلانے لگ جائیں

تو محبّت کی غرض لمحہء موجود سے رکھ
ترے ذمّے نہ مرے درد پرانے لگ جائیں

یہ محبّت نہ کہیں ردِعمل بن جائے
ہم ترے بعد کوئی ظلم نہ ڈھانے لگ جائیں

کارِ دُنیا بھی عجب ہے کہ مرے گھر والے
دن نکلتے ہی مری خیر منانے لگ جائیں

پاس ہی ڈوب رہی ہے کوئی کشتی تابش
خود نہیں بچتے اگر اس کو بچانے لگ جائیں

عباس تابش

................................

Tere gumnam ager naam kmanay lag jayen
Sharf o shewa tasleem thikanay lag jayen

Jis trah noor se payda hain jahane ishiya
Ik nazar dal ker hum bhi nazar anay lag jayen

Ye bhi mumkin hai koi roknay wala he na ho
Ye bhi mumkin hai yaha muj ko zamanay lag jayen

Dekh ay husney frawan ye bhi mumkin hai
Mera del tak na lagay tere khazanay lag jayen

Jin k honay se hai mashrot hamara hona
Apnay honay ka na ahsas dilanay lag jayen

To muhabat ki gharz lamha mojood main rakh
Tere zimay na mere dard poranay lag jayen

Ye muhabat na kahen rad e amal ban jayen
Hum tere bad na koi zulm dhanay lag jayen

Kar e duniya bhi ajab hai k meray ghar walay
Din niklatay he meri khabar manany lag jayen

Pass he doob rahi hai koi kashti tabish
Khod nahi bachti ager is ko bachanay lg jayen