Showing posts with label Naats. Show all posts
Showing posts with label Naats. Show all posts

Monday, 9 December 2013

Ik Roz Momeno Tumhe Merna Zaror Hai.

Posted by Unknown on 21:34 with No comments

اک روز مومنو تمہیں مرنا ضرور ہے
پڑھتے رہو نماز یہ قولِ رسول ہے

پڑھتے رہو نماز تو چہرے پہ نور ہے
پڑھتے نہیں نماز تو اپنا قصور ہے

اک روز مومنو تمہیں مرنا ضرور ہے
پڑھتے رہو نماز یہ قولِ رسول ہے

پڑھتے رہو نماز تو بہتر یہ کام ہے
دینِ رسول پاک کا اس سے قیام ہے

اک روز مومنو تمہیں مرنا ضرور ہے
پڑھتے رہو نماز یہ قولِ رسول ہے

اے مومنو نماز کو کرنا نہ تم قضا
قرآن میں صاف یہ کہتا ہے کبریا

اک روز مومنو تمہیں مرنا ضرور ہے
پڑھتے رہو نماز یہ قولِ رسول ہے

مرنے کے بعد حشر میں دولہا بنائے گی
سہرا نجات کا یہ سر پر اوڑھائے گی

اک روز مومنو تمہیں مرنا ضرور ہے
پڑھتے رہو نماز یہ قولِ رسول ہے

ساری عبادتوں میں عبادت نماز ہے
اے مومنو یہ دین کی دولت نماز ہے

اک روز مومنو تمہیں مرنا ضرور ہے
پڑھتے رہو نماز یہ قولِ رسول ہے

 مضبوط پکڑو ہاتھ سے پایہ نماز کا
یہ مرتبہ خدا نے بتایا نماز کا

اک روز مومنو تمہیں مرنا ضرور ہے
پڑھتے رہو نماز یہ قولِ رسول ہے

سبحان اللہ۔۔۔

Saturday, 13 July 2013

بارہویں تاریخ میں حق کا جمال آیا نظر

بارہویں تاریخ میں حق کا جمال آیا نظر
آمنہ کی گود میں اِک بے مثال آیا نظر

مسکرائی ہیں بہاریں انبساط و کیف کی
جب بنو ہاشم میں عبداللہ کا لعل آیا نظر

رحمت العالمین صلی اللہ علیہ وسلم کی آمد آمد پر نثار
درد و دُکھ میں ہر جگہ رحمتِ آیا نظر

چاند اُس کے اِک اِشارے پر کِھلونا بن گیا
محد میں جب آمنہ بی بی کا لعل آیا نظر

آپ کے نقشِ قدم میں سارے فتنوں سے نجات
آپ ہی کے رستے میں اعتدال آیا نظر

کہتے تھے حضرت عمرؓ سردار اُس کو شوق سے
جب کبھی طیبہ کی گلیوں میں بلالؓ آیا نظر

مردہ قوموں میں اُجاگرؔ زندگی کی لہر دی
آپ صلی اللہ علیہ وسلم کی باتوں میں وہ اوجِ کمال آیا نظر

Sunday, 7 July 2013

ALLAH Nabi Ke Piyaro Uthoo...

Posted by Unknown on 03:00 with No comments

اللہ نبی کے پیارو اُٹھو اے روزے دارو

اللہ نبی کے پیارو اُٹھو اے روزے دارو
موقع یہ پھر ملا ہے تم عاقبت سنوارو

اُٹھو کہ برکتوں کا پھر آگیا مہینہ
نازل ہوا ہے اس میں قرآن کا خزینہ
آؤ نماز پڑھ کر قرآن تم اُٹھا لو

اللہ نبی کے پیارو اُٹھو اے روزے دارو
موقع یہ پھر ملا ہے تم عاقبت سنوارو

اُٹھو اے مومنو تم یہ نیک کام کر لو
وقتِ سحر ہے آیا کُچھ اہتمام کر لو
رمضان کا مہنیہ یونہی نہ تم گزارو

اللہ نبی کے پیارو اُٹھو اے روزے دارو
موقع یہ پھر ملا ہے تم عاقبت سنوارو

تسبیح تم خُدا کی کرتے رہو ہمیشہ
ہے بادشاہ اُسی سے ڈرتے رہو ہمیشہ
بتلائیں جو نبی نے وہ ساری باتیں مانو

اللہ نبی کے پیارو اُٹھو اے روزے دارو
موقع یہ پھر ملا ہے تم عاقبت سنوارو

بس یہ نہیں ہے کافی تم بھوکے پیاسے رہنا
کارِ حرام سے بھی پرہیز کرتے رہنا
خوشنودیِ خُدا میں روزے کا حق ادا ہو

اللہ نبی کے پیارو اُٹھو اے روزے دارو
موقع یہ پھر ملا ہے تم عاقبت سنوارو

اے مومنو حسد سے غیبت سے بچتے رہنا
بے جا کسی پہ ہر گز ظلم و ستم نہ ڈھانا
تعلیمِ حق یہی ہے حق نہ کسی کا مارو

اللہ نبی کے پیارو اُٹھو اے روزے دارو
موقع یہ پھر ملا ہے تم عاقبت سنوارو

جھوٹ اور بدگمانی سے اجتناب کرنا
گر کر سکو تو اپنا خود احتساب کرنا
جو کُچھ غلط کہا اُس کی معافی مانگو

اللہ نبی کے پیارو اُٹھو اے روزے دارو
موقع یہ پھر ملا ہے تم عاقبت سنوارو

چھوڑو لڑائی جھگڑے گالی گلوچ گانے
مومن وہی ہے سچا حق بات کو جو مانے
اپنے گناہوں پر تم توبہ کے پردے ڈالو

اللہ نبی کے پیارو اُٹھو اے روزے دارو
موقع یہ پھر ملا ہے تم عاقبت سنوارو

اے سرفرؔاز یہ لکھو کم تولنا نہیں تم
زائد منافع لے کر کُچھ بیچنا نہیں تم
رزقِ حلال کھاؤ ایمان کو بچا لو

Mere Lab Pe Hai Roz O Shabana...

Posted by Unknown on 02:31 with No comments

میرے لب پہ ہے روز و شبانہ

میرے لب پہ ہے روز و شبانہ
یا نبی یا نبی کا ترانہ

عشق اُن کی گلی سے ہے مُجھ کو
اور خیالوں میں ہے آنا جانا

میرے لب پہ ہے روز و شبانہ
یا نبی یا نبی کا ترانہ

تم کو دُنیا مبارک ہو لوگو
مُجھ کو آقا اور اُن کا گھرانہ

میرے لب پہ ہے روز و شبانہ
یا نبی یا نبی کا ترانہ

بھیک مانگوں میں کیوںکر کِسی سے
شان اُن کا ہے دینا دِلانا

میرے لب پہ ہے روز و شبانہ
یا نبی یا نبی کا ترانہ

اپنے آقا کے صدقے میں جاؤں
اُن پہ قربان میرا گھرانہ

میرے لب پہ ہے روز و شبانہ
یا نبی یا نبی کا ترانہ

لِکھ دے مولا مقدر میں میرے
اُن کی نعلین سر پر اُٹھانا

میرے لب پہ ہے روز و شبانہ
یا نبی یا نبی کا ترانہ

خواب میں سرفراؔز میں نے دیکھا
ہو رہا ہوں مدینے روانہ

میرے لب پہ ہے روز و شبانہ
یا نبی یا نبی کا ترانہ

Saturday, 6 July 2013

Ja Zindagi Madine Se Jhonke Hawa Ke La...

Posted by Unknown on 23:23 with No comments

جا زندگی مدینے سے جھونکے ہوا کے لا

جا زندگی مدینے سے جھونکے ہوا کے لا
شاید حضور ہم سے خفا ہیں منا کے لا

ٹکڑوں میں بٹ گئی ہے امت رسول کی
ابوبکر سے کچھ آئینے صدق و صفا کے لا


کچھ ہم بھی اپنا چہـرہِ باطن سنـوار لیں

ابو بـکر سے آئیـنہِ عشـق و وفا کا لا۔۔۔

دنیا بہت ہی تنگ مسلماں پہ ہو گئی
فاروق کے زمانے کے نقشے اٹھا کے لا

گمراہ کر دیا ہے نظر کے فریب نے
عثمان سے زاویے ذرا شرم و حیا کے لا

مغرب میں مارا مارا نہ پھر اے گدائے علم
دروازہِ "علی" سے یہ خیرات جا کے لا۔۔۔

باطل سے دب رہی ہے پھر سے امت رسول کی
منظر ذرا حسین سے کچھ کربلا کے لا


درکار ہے اگر دعا میں تجھ کو عاجزی
تو زین العابدین سے فقرے دعا کے لا

یہ جنگ حق و باطل اگر تجھکو جیتنی ہے
تو ہر نوجواں کو قاسم و طارق بنا کے لا


جا زندگی مدینے سے جھونکے ہوا کے لا
شاید حضور ہم سے خفا ہیں منا کے لا

تیرے جلوے دیکھتا ہوں کو بہ کو میرے خُدا

تیرے جلوے دیکھتا ہوں کو بہ کو میرے خُدا
ہر طرف ہر ہر جگہ تو ہی تو میرے خُدا

آنکھ میں تو روح میں تو سانس کے ڈوروں میں ہے تو
دل بھی تیری کر رہا ہے گُفتگو میرے خُدا

یہ زمین و آسماں شمس و قمر بَرگ و شجر
ذرے ذرے کو ہے تیری جُستجو میرے خُدا

ساری ماؤں کی محبت تیری ہی اُلفت پر نثار
تیری رحمت دیکھتا ہوں چار سُو میرے خُدا

بندگی کی چاشنی سے اس کو کر دے سرفرازؔ
فرحان حاضر ہے تیرے رُوبرو میرے خُدا

توۖ شاہ خوباں توۖ جان جاناں ہے چہرہ ام الکتاب تیرا

توۖ شاہ خوباں توۖ جان جاناں ہے چہرہ ام الکتاب تیرا
نہ بن سکی ہے نہ بن سکے گا مثال تیری جواب تیرا

تو سب سے اول تو سب سے آخر ملا ہے حسنِ دوام تجھ کو
ہے عمر لاکھوں برس کی تیری مگر ہے تازہ شباب تیرا

توۖ شاہ خوباں توۖ جان جاناں ہے چہرہ ام الکتاب تیرا
نہ بن سکی ہے نہ بن سکے گا مثال تیری جواب تیرا

ہے کتنا خُلق عظیم تیرا ہے کتنا لطفِ عمیم تیرا
ہو ا نہ جاں کے بھی دشمنوں پر شہ دو عالم عتاب تیرا

توۖ شاہ خوباں توۖ جان جاناں ہے چہرہ ام الکتاب تیرا
نہ بن سکی ہے نہ بن سکے گا مثال تیری جواب تیرا

ہو مشکِ عنبر یا بوئے جنت نظر میں اُس کی ہے بے حقیقت
مِلا ہے جس کو مَلا ہے جس نے پسینہ رشک گلاب تیرا

توۖ شاہ خوباں توۖ جان جاناں ہے چہرہ ام الکتاب تیرا
نہ بن سکی ہے نہ بن سکے گا مثال تیری جواب تیرا

میں تیرے حسنِ بیاں کے صدقے میں تیری میٹھی زبان کے صدقے
برنگِ خوشبو دلوں میں اترا ہے کتنا دلکش خطاب تیرا

توۖ شاہ خوباں توۖ جان جاناں ہے چہرہ ام الکتاب تیرا
نہ بن سکی ہے نہ بن سکے گا مثال تیری جواب تیرا

خدا کی غیرت نے ڈال رکھے ہیں تجھ پر ستر ہزار پردے
جہاں میں لاکھوں ہی طور بنتے جو اک بھی اٹھتا حجاب تیرا

ہے تو بھی صائمؔ عجیب انساں جو خوفِ محشر سے ہے ہراساں
ارے تو جن کی ہے نعت پڑھتا وہی تو لیں گے حساب تیرا

توۖ شاہ خوباں توۖ جان جاناں ہے چہرہ ام الکتاب تیرا
نہ بن سکی ہے نہ بن سکے گا مثال تیری جواب تیرا

شاعر - صائم چشتی

Tere Hote Jannam Liya Hota...

Posted by Unknown on 07:38 with No comments

تیرے ہوتے جنم لیا ہوتا

تیرے ہوتے جنم لیا ہوتا
پھر کبھی تو تجھے ملا ہوتا

کاش میں سنگ در ترا ہوتا
تیرے قدموں کو چومتا ہوتا

تو چلا کرتا میری پلکوں پر
کاش میں تیرا راستہ ہوتا

ذرہ ہوتا جو تیری راہوں کا
تیرے تلوؤں کو چھو لیا ہوتا

لڑتا پھرتا میں تیرے اعدا سے
تیری خاطر میں مر گیا ہوتا

تیرے مسکن کے گرد شام و سحر
بن کے منگتا میں پھر رہا ہوتا

تو کبھی تو مجھے بھی تک لیتا
تیرے تکنے پہ بک گیا ہوتا

تو کبھی تو مری خبر لیتا
تیرے کوچے میں گھر کیا ہوتا

تو جو آتا مرے جنازے پر
تیرے ہوتے میں مر گیا ہوتا

چھوڑ کر جنتیں پلٹ آتا
تو مری قبر پر کھڑا ہوتا

ہوتا روحیؔ ترے فقیروں میں
تیری دہلیز پر پڑا ہوتا

شاعر - شیخ الاسلام ڈاکٹر محمد طاہرالقادری

آج عبداللہ کے آنگن میں رُت آئی بہار کی

آج عبداللہ کے آنگن میں رُت آئی بہار کی
جشنِ عید میلاد النبیؐ ہے آمد ہے سرکار کی

بارہ ربیع الاول کا دن صبح ٹھنڈے سائے
دائی حلیمہ کی گودی میں پیارے محمدؐ آئے

ہوئی ولادت پیر کے دن رب کے دلدار کی
حوا مریم دیکھ کے بولیں پیارے نبیؐ کا مُکھڑا

آمنہ تیرا بچہ ہے یا کوئی چاند کا ٹکڑا
بڑھی ہے رونق دیکھو دیکھو آمنہ کے گھر بار کی

جگمگ جگمگ چمکے دیکھو مکہ اور مدینہ
صلِ علیٰ کی گونج سے دیکھو روشن ہو گیا سینہ

طالب ہر شئے ہونے لگی ہے رب کے دلدار کی
آسیو آؤ آگے بڑھو سب رب کے دلبر آئے

نور ہوا ہے ہر سو ہر شئے سیدِ انور آئے
دیے جلاؤ سواری آئی شہہ ابرار کی

Lab Pe Salle Aala Ke Tarany...

Posted by Unknown on 01:31 with No comments

لب پہ صلِ علیٰ کے ترانے

لب پہ صلِ علیٰ کے ترانے
اشک آنکھوں میں آئے ہوئے ہیں

یہ ہوا یہ فضا کہ رہی ہے
میرے سرکار آئے ہوئے ہیں

جن کی خاطر یہ عالم بنایا
اپنے گھر جن کو رب نے بُلایا

اے حلیمہ یہ تیرا مقدر
وہ تیرے گھر میں آئے ہوئے ہیں

کیسے کہ دوں وہ حاضر نہیں ہیں
کیسے مانوں یہ ممکن نہیں ہے

اس سے بڑھ کر ثبوت اور کیا ہو
وہ تصور میں آئے ہوئے ہیں

آج پوری ہوئی دل کی حسرت
کیوں نہ جی بھر کے کرلوں زیارت

قبر میں اے فرشتو نہ آنا
میرے سرکار آئے ہوئے ہیں

نام نبیوں کے بےشک بڑے ہیں
عظمتوں کے نگینے جڑے ہیں

مقتتدی بن کے پیچھے کھڑے ہیں
وہ جو پہلے سے آئے ہوئے ہیں

میں مدینے کی گلیوں کے قرباں
جن سے گزرے ہیں شاہِ مدینہ

اس طرح سے مہکتے ہیں رستے
عطر جیسے لگائے ہوئے ہیں

چھوڑ کر در بدر کا ٹھکانہ
اے کمالؔ اُن کے در پر ہے جانا

ہم سے لاکھوں بُروں کو جو اپنا
خاص مہماں بنائے ہوئے ہیں

Mere Nabi Meri Zindagi Hain...

Posted by Unknown on 00:55 with No comments

میرے نبیؐ میری زندگی ہیں

میرے نبیؐ میری زندگی ہیں
میرے نبیؐ ہی میرے ولی ہیں

میرے نگہباں بھی وہی ہیں
میرے تو سب کُچھ میرے نبیؐ ہیں

میری ریاضت میری عبادت
میرا توکل میری قناعت

میری عقیدت میری شریعت
میرے نبیؐ میری بندگی ہیں

میرا تو عرفان بھی وہی ہیں
میرا تو ایمان بھی وہی ہیں

میری تو پہچان بھی وہی ہیں
میرے نبیؐ میری آگہی ہیں

انہی سے گھر ہے میرا چراغاں
انہی سے دُنیا میری فروزاں

انہی سے قسمت میری درخشاں
میرے نبیؐ میری روشنی ہیں

وہ میرے آقا وہ میرے مولا
وہ میری دُنیا وہ میری عقبیٰ

وہ میرے ملجیٰ وہ میرے ماویٰ
میرا تو ایمان بھی وہی ہیں

اللہ نے حضورؐ کی شان بڑھائی ہوئی ہے

اللہ نے حضورؐ کی شان بڑھائی ہوئی ہے
ہم نے محبت حضورؐ سے لگائی ہوئی ہے

ہم اپنے دلوں کو خوش کریں
گھر گھر میں آقاؐ کا میلاد کریں

آقاؐ نے عشاق کی موج کروائی ہوئی ہے
ہم نے محبت حضورؐ سے لگائی ہوئی ہے

بیٹھے ہیں دیوانے سرکارؐ کے لئے
ہمارے دلوں میں دیدار کی خواہش ہے

ہم نے دل کی سیج سجائی ہوئی ہے
ہم نے محبت حضورؐ سے لگائی ہوئی ہے

دُکھوں کے اندھیرے سب دور کر دیں
جلوہ دکھا کے نور ہی نور کر دیں

عشاق نے عشق والی شمع جلائی ہوئی ہے
ہم نے محبت حضورؐ سے لگائی ہوئی ہے

بادل جہاں رحمتوں کے چھائی ہوئے ہیں
عشاق نے جہاں ڈیرے لگائے ہوئے ہیں

جہاں نگری حضورؐ نے بسائی ہوئی ہے
ہم نے محبت حضورؐ سے لگائی ہوئی ہے

میرے اوپر رحمتوں کی بارش برسی
جب میں نے آلِ نبیؐ کا دامن تھاما

اس وقت سے آقاؐ نے میرے پتنگ بڑھائی ہوئی ہے
ہم نے محبت حضورؐ سے لگائی ہوئی ہے

حوریں جہاں ہر وقت آئیں دوستو
وہاں کا مقابلہ کرے کون دوستو

ساری دُنیا سے بڑھ کر کمائی کی ہے
ہم نے محبت حضورؐ سے لگائی ہوئی ہے

ضؔیاء میری ذات اور اوقات کُچھ نہیں
مُجھ میں فن والی بات کُچھ نہیں

عالی شہنشاہؐ نے بات بنائی ہوئی ہے
ہم نے محبت حضورؐ سے لگائی ہوئی ہے

محفل میلاد کرنے کی لگن زندہ رہے

محفل میلاد کرنے کی لگن زندہ رہے
عاشقانِ مصطفےٰ کا یہ چلن زندہ رہے

ہر طرف نعرے ہی نعرے آمدِ سرکار کے
سُنیوں کا لہلہاتا یہ چمن زندہ رہے

چار سو خوشیاں ہی خوشیاں آپ کے آنے کی ہیں
یا نبی جشنِ ولادت کی لگن زندہ رہے

ہم مناتے ہی رہیں گے اُن کے آنے کی خوشی
دُشمنِ جشنِ ولادت کی جلن زندہ رہے

نعت کے اشعار سُن کر یہ کہا سرکار نے
تا عمر جاری تُمھارا یہ لحن زندہ رہے

زندگی بے کار ہے جو ہو نہ عشقِ مصطفےٰؐ
یا خُدا عشقِ محمدؐ کی اگن زندہ رہے

یہ شہیدوں کے لہو کی دوستو آواز ہے
مر گئے جو آپ پر اُن کے بدن زندہ رہے

ہم ہیں ناموسِ نبیؐ کے پاسباں ہیں پاسباں
اُن پہ جاں قربان کرنے کا وچن زندہ رہے

مُجھ کو دے تاثیر مولا اور قلم میں روشنی
اے اجاگرؔ شاعری کا میرا فن زندہ رہے

Friday, 5 July 2013


یا رسول اللہ یا حبیب اللہ
یا رسول اللہ یا حبیب اللہ

مُصیبت میں گھِرا ہوں میں نکالو یا رسول اللہ
میں گرتا ہوں مُجھے آ کر سنبھالو یا رسول اللہ


تُم اپنی آل کے ادنٰی غُلاموں میں مُجھے لے لو
جہاں بھر کی غُلامی سے بچا لو یا رسول اللہ


تُمھاری آل کے غم سے میری نسبت میرے آقا
زمانے بھر کے ہر غم سے بچا لو یا رسول اللہ


یہی خواہش میرے دل میں تڑپتی ہے مچلتی ہے
مُجھے زائر مدینے کا بنا لو یا رسول اللہ


مُجھے تم سے ہے اُلفت اور تُمھاری آل سے آقا
مُجھے دُنیا کی اُلفت سے بچا لو یا رسول اللہ


بھڑکتی آگ کا ایندھن نہ بن جاؤں میرے آقا
مُجھے رحمت کی چادر میں چُھپا لو یا رسول اللہ


تُمھارے سرفرازؔ کا دم نِکلتا ہے نکلتا نہیں
اسے جلدی مدینے میں بُلا لو یا رسول اللہ

ہمیں وہ اپنا کہتے ہیں محبت ہو تو ایسی ہو

ہمیں وہ اپنا کہتے ہیں محبت ہو تو ایسی ہو
ہمیں رکھتے ہیں نظروں میں عنایت ہو تو ایسی ہو

وہ پتھر مارنے والوں کو دیتے ہیں دُعا اکثر
لاؤ کوئی مثال ایسی شرافت ہو تو ایسی ہو

اشارہ جب وہ فرمائیں تو پتھر بول اُٹھتے ہیں
نبوت ہو تو ایسی ہو رسالت ہو تو ایسی ہو

وہاں مُجرم کو ملتی ہیں پناہیں بھی جزائیں بھی
مدینے میں جو لگتی ہے عدالت ہو تو ایسی ہو

بنا دیتے ہیں سائل کو سکندر وہ زمانے کا
کریمی ہو تو ایسی ہو سخاوت ہو تو ایسی ہو

مُحمدصلی اللہ علیہ وسلم کی ولادت پر ہوئے سب کو عطا بیٹے
اسے میلاد کہتے ہیں ولادت ہو تو ایسی ہو

زمین و آسماں والے بھی آتے ہیں غُلامانہ
حقیقت ہے یہی ناصرؔ حکومت ہو تو ایسی ہو

Be Khud Kiye Dete Hain Andaz Hijabana...

Posted by Unknown on 23:07 with No comments

بے خود کیے دیتے ہیں اندازِ حجابانہ

بے خود کیے دیتے ہیں اندازِ حجابانہ
آ دل میں تجھے رکھ لوں اے جلوہ جاناناں

بس اتنا کرم کرنا اے چشمِ کریمانہ
جب جان لبوں پر ہو تُم سامنے آ جانا

جی چاہتا ہے تحفے میں بھیجوں میں اُنہیں آنکھیں
درشن کا تو درشن ہو نذرانے کا نذرانہ

پینے کو تو پی لوں گا پر عرض ذرا سی ہے
اجمیر کا ساقی ہو بغداد کا میخانہ

پیتے ہیں تیرے در کا کھاتے ہیں ہیں تیرے در کا
پانی ہے تیرا پانی دانہ ہے تیرا دانہ

کیوں آنکھ مِلائی تھی کیوں آگ لگائی تھی
اب رخ کو چھپا بیٹھے کر کے مُجھے دیوانہ

بیدمؔ میری قسمت میں سجدے ہیں اسی در کے
چُھوٹا ہے نہ چُھوٹے گا سنگِ درِ جاناناں

Ya Nabi Sab Karam Hai Tumhara...

Posted by Unknown on 23:02 with No comments

یا نبیؐ سب کرم ہے تمھارا

یا نبیؐ سب کرم ہے تمھارا
یہ جو وارے نیارے ہوئے ہیں

اب کمی کا تصور بھی کیسا
جب سے منگتے تُمھارے ہوئے ہیں

کوئی منہ نہ لگاتا تھا ہم کو
پاس تک نہ بٹھاتا تھا ہم کو

جب سے تھاما ہے دامن تُمھارا
دُنیا والے ہمارے ہوئے ہیں

اُن کے دربار سے جب بھی
پنجتن کے وسیلے سے مانگا

مُجھ کو خیرات فوراً ملی ہے
خوب میرے گُزارے ہوئے ہیں

دور ہونے کو اب ہے یہ دوری
اُن کی چوکھٹ پہ ہو گی حضوری

خواب میں مُجھ کو آقا کے در سے
حاضری کے اشارے ہوئے ہیں

حشر کے روز جب میرے آقا
امتی کی شفاعت کریں گے

رب کہے گا انہیں میں نے بخشا
جو دیوانے تُمھارے ہوئے ہیں

چاہتے ہو اگر نیک نامی
آلِ زہراؓ کی کر لو غُلامی

اُن کے صدقے سے زاہد نیازیؔ
پُر سکوں غم کے مارے ہوئے ہیں

Tera Nahi Koi Misal...

Posted by Unknown on 09:43 with No comments

تیرا نہیں کوئ مثال

تیرا نہیں کوئ مثال
محبوب تم بے مثال
تیرے برابر کوئی نہیں ہے
محبوب تم بے مثال

شمس قمر سے زیادہ ہے پیارا
تیرا حسن و جمال
محبوب تم بے مثال

کعبے کا بھی کعبہ ہو تم
اماں آمنہ کے لعل
محبوب تم بے مثال

چاند کے ٹکڑے ہو گۓ اشارے سےآپ کے
تیرا کامل کمال
محبوب تم بے مثال


محبوب تیرا نام نرالا‌
میم حۓ میم اور دال
محبوب تم بے مثال

عاجز برڑےؔ جنوں اوپر بھی
ہر پل ہے تیرا احسان
محبوب تم بے مثال
نہیں معلوم کیسا تھا مَکاں کَل شب جہاں مَیں تھا

نمی دانم چہ منزل بود ، شب جائے کہ من بودم
بہ ہر سو رقصِ بسمل بود ، شب جائے کہ مَن بودم

نہیں معلوم کیسا تھا مَکاں کَل شب جہاں مَیں تھا
کہ ہر سو رقصِ بسمل تھا کَل شب جہاں مَیں تھا

پری پیکر نگارے، سرو قدے، لالہ رخسارے
سراپا آفتِ دل بود ، شب جائے کہ مَن بودم

حَسیں پیکر جسامت سرو سا قد پھول سے رُخسار
سراپا حُسن تھا دل پر عیاں کَل شب جہاں مَیں تھا

رقیباں گوش بر آواز ، او در نازاں ، می ترساں
سخن گفتن چہ مشکل بود ، شب جائے کہ من بودم

اسی کی بات پر سب کان دھرتے میں ترستا تھا
بُہت مُشکل تھا کُچھ کہتی زباں کَل شب جہاں مَیں تھا

خدا خود میر ِمجلس بود اندر لامکاں خسروؔ
محمد صلی اللہ علیہ وسلم شمعِ محفل بود ، شب جائے کہ من بودم

اُجاگرؔ لامکاں میں خود خُدا تھا صاحبِ محفل
نبیؐ تھے شمعِ بزمِ لامکاں کَل شب جہاں مَیں تھا

Melade Nabi Ko Aam Kero...

Posted by Unknown on 07:06 with No comments

میلادِ نبیؐ کو عام کرو

میلادِ نبیؐ کو عام کرو
میلادِ نبیؐ کو عام کرو

اِک عزم کرو اک کام کرو
میلادِ نبیؐ کو عام کرو

یوں صبح کرو یوں شام کرو
میلادِ نبیؐ کو عام کرو

نہ کوئی بستی رہ جائے
نہ کوئی نگری رہ جائے

اعلان یہی ہر گام کرو
میلادِ نبیؐ کو عام کرو

تہوار ہمارا آیا ہے
کیوں لڑ کے یہ دن ذائع کریں

ہر سازش کو ناکام کرو
میلادِ نبیؐ کو عام کرو

جو پیدا ہوا وہ رب کیسے
یہ دن تو شرک شکن ٹھہرا

یہ عہدِ وفا کا موقع ہے
کیا سوچتے ہو اب کر گزرو

اپنا سب اُن کے نام کرو
میلادِ نبیؐ کو عام کرو

مُشکل سے کیا گھبرانا ہے
اب آگے بڑھتے جانا ھے

دشمن کا ٹریفک جام کرو
میلادِ نبیؐ کو عام کرو

نفرت کی آگ بُجھا دیں گے
ہم امن کے داعی ہیں لوگو

پیغامِ مُحبت تام کرو
میلادِ نبیؐ کو عام کرو

ہر دل میں بسی اُن کی لگن
ہر شام اجاگرؔ اُن کے نام

آغاز یونہی انجام کرو
میلادِ نبیؐ کو عام کرو