Kaliyan Zulfan Wala Dukhi Dillan Da Sahara.

کالیاں زلفاں والا دکھی دلاں دا سہارا

کالیاں زلفاں والا دکھی دلاں دا سہارا
قسم خدا دی مینوں سب نالوں پیارا

دساں کی میں مصطفٰی دی کیڈی سوہنی شان اے
آپ دی تعریف وچ سارا ای قرآن اے

پڑھ کے توں ویکھ جیہڑا مرضی سپارا
کالیاں زلفاں والا دکھی دلاں دا سہارا

ایڈا سوہنا نبی کوئی دنیا تے آیا نئیں
یار ایہو جہیا کوئی رب نے بنایا نئیں

آمنہ دا چن تے حلیمہ دا دُلارا
کالیاں زلفاں والا دکھی دلاں دا سہارا

دیندے نے گواہی ذرے ذرے کوہ طور دے
ویکھ دے نصیباں والے جلوے حضور دے

دید میرے نبی دی اے رب دا نظارا
کالیاں زلفاں والا دکھی دلاں دا سہارا

کرکے اشارہ سوہنا سورج نوں موڑ دا
آپے چن توڑ دا تے آپے چن جوڑ دا

بگڑی بناوے میرے نبی دا اشارا
کالیاں زلفاں والا دکھی دلاں دا سہارا

کہندی اے حلیمہ مُکھ ویکھ لجپال دا
لبھ کے لیواں کتھوں سوہنا تیرے نالدا

چودھویں دا چن نالے عرشاں دا تارا
کالیاں زلفاں والا دکھی دلاں دا سہارا

اوہدے سوہنے چیرے دی جھلی جاندی تاب نئیں
رب خود آکھے تیرا سوہنیا جواب نئیں

آ جا محبوبا تیرا کر لاں نظارا !
کالیاں زلفاں والا دکھی دلاں دا سہارا

عرش معلٰی تک اوہدیاں رسائیاں نیں
دنیا تے ہر پاسے مچیاں دہائیاں نیں

صدقہ نبی پاک دا کھاوے جگ سارا
کالیاں زلفاں والا دکھی دلاں دا سہارا

میرے سوہنے نبی دا تے دلاں اتے راج اے
اساں گنہگاراں دی تے اوہدے ہتھ لاج اے

کرماں دی تے خیر منگے حافظ بے چارہ !
کالیاں زلفاں والا دکھی دلاں دا سہارا

Read More

Rubaiyat of Sadaat

مولا علی دی ہور کی شان دساں نظر کرے تے کنڈے نوں کلی کردا

مولاعلی دا لگدا کچھ وی نئیں جناں غیر نوں 

مولا علی چاہندے نیں جس دا بھلا ناصراللہ پاک وی اوس دی بھلی کردا

منکر سڑدا اے علی دا ناں سن کے سنی ہر ویلے علی علی کردا

بوہے آپڑ کے تونڑ چُکانڑوالے حرمل شمر لعین یزید ہوندے

رابطہ عشق نال جو کرن پیداسارے پیر فقیر شہید ہوندے

پیدا نت نئیں پیراں دے پیر ہوندے نت نئیں چوراں دے بھاگ سعید ہوندے

ناصر شاہ توں گل کر صدیاں دی پیدا روز نئیں بابا فرید ہوندے

Read More

Rubaiyat of Baba Bullhe Shah

بابا بلھے شاہ فرماتے ہیں

عین عشق دے محکمے میں وڑیا اگوں عشق نیں میری تنائی لٹ لئی

میں گیاں ساں عشق کولوں بھاگ لیونڑ اگوں عشق نیں میری رسائی لٹ لئی

عشق لٹدا ولی پیغمبراں نوں کئی بادشاواں دی بادشاہی لٹ لئی

اجے تیرا کی لٹیا اے بلھیا اس عشق نیں خدا دی خدائی لٹ لئی

Read More

رُباعیات

رُباعیات

رات کوئی نئیں شبِ میلاد ورگی تے منظر کوئی نئیں کعبہ کوسین ورگا

نقطہ چینیاں نقطے نوں جنم دتیاں اُنج تے عین وی لگداغین ورگا

کوئی ماں نئیں نبی دی ماں ورگی تے پتر کوئی نئیں شاہ ثقلین ورگا

اس ماں دا جگرا ویکھ ناصر جنے واریا پتر حسین ورگا

محفلِ پاک وچ بیٹھن والیاں تے اللہ پاک نے کرم کمائے ہوئے نیں

اپنا کوئی وی کمال نئیں رب دی سوں سائیاں آپ اے رنگ چڑھائے ہوئے نیں

جنے آئے نیں آپ دی بزم اندر لجپالاں دے سارے بلائے ہوئے نیں 

انج لگدا مینوں فیضان ایتھے کملی والے تشریف لیائے ہوئے نیں

Read More

شہنشاہا حبیبا مدینہ دیا

 شہنشاہا حبیبا مدینہ دیا

شہنشاہا حبیبا مدینہ دیا

خیر منگناہاں میں تیری سرکار چوں

 

صدقہ اپنے فقیراں دا دے سوہنڑیاں

خالی جاواں نہ میں تیر ے دربار چوں

پہنچ ساحل تے سب دے سفینے گئے 

بختاں والے ہزاراں مدینے گئے

 

میرے بختاں دی کشتی وی نام خدا 

پار کردے غماں دے توں منجدھارچوں

وقت آخرمدینے جے میں پہنچ جاواں

روح میرے جسم نوں جدوں چھوڑ دے

 

تسی میرا جنازہ میرے ساتھیو

لے کے لنگڑاں مدینے دے بازار چوں

جیڑے اللہ دے ولیاں داکردے نیں سنگ

اوس کَچ تے وی آوندے ہیرے دے رنگ

 

اوس ہیرے دا کوڈی وی رہندانئیں مُل 

جیڑاڈِگ جائے ٹٹ کے کسے ہار چوں

ہور کجُ وی میں منگدانئیں سرکار توں

جھولی آکھیں ہے خالی تیرے دیدار توں

 

ہن تے حافظؔ نوں دیدار دی خیر دے 

کوئی نئیں خالی گیا تیرے دربار چوں

Read More

Tera Khawan Main Tere Geet Gawan Ya Rasool ALLAH

تیرا کھاواں میں تیرے گیت گاواں یارسول اللہ

تیرا کھاواں میں تیرے گیت گاواں یارسول اللہ
تیرا میلاد میں کیوں نہ مناواں یارسول اللہ

حلیمہ کلی نوں دیکھے کدی سرکار نوں دیکھے
میں کیڑی سیج تیرے لئی سجاواں یا رسول اللہ

میں کج وی نئیں جے تیرے نال میری کوئی نسبت نئیں
میں سب کج ہاں جے میں تیرا سدا واں یارسول اللہ

جگاؤ پاگ میرے وی ابو ایوب دے وانگوں
مقدر اوس دا کیتھوں لیاواں یارسول اللہ

میرا وی دل تے چاؤندا اے تسی میرے وی گھر آؤ
میں کیڑے مان تھیں گھر وچ بلاواں یا رسول اللہ

مدینے آ کے ایہو رات دن میری عبادت اے
تیرے روضے توں نہ اکھیاں ہٹاواں یارسول اللہ

اجل دے آون توں پہلاں جے تیری دید ہو جائے
میں ایسی موت توں قربان جاواں یا رسول اللہ

Read More

جس نے مدینے جانڑاں

 جس نے مدینے جانڑاں

جس نے مدینے جانڑاں کر لو تیاریاں 

بیڑا مدینے والا لیندا پیا تاریاں

 

حاجیاں نے اٹھ سویرے بہہ کے روزے دے نیڑے 

رو رو کے سوہنے اگے عرضاں گذاریاں

 

حاجیاں نے چومی جالی جالی او کرماں والی 

لکھ پہریداراں پانویں چھڑیاں نے ماریاں

 

اوتھے نے ٹھنڈیاں چھاواں دلکش مخمور ہواواں 

کھلیاں بہشتاں دیاں جینویں سب باریاں

 

کعبے دے گرد گھمیئے روزے دی جالی چُمیئے 

تک آیئے جنت دیاں نالے کیاریاں

 

شالا او دن وی آوے سوہڑاں سانوں کول بلاوے

رل مل کے دیکھن روضہ اے سیاں ساریاں

 

آب زم زم میں پیواں اوتھے میں مراں تے جیواں

صدقہ نواسیاں دا سن میریاں زاریاں

 

سوہنے نوں راضی کریئے رحمت تھیں جھولی بھریئے 

پلکاں دے نال دئیے تھاں تھاں بہاریاں

 

رب دا حبیب اوتھے سب دا طبیب اوتھے 

ہوندیاں مدینے جا کے دور بیماریاں

 

صدمے کیوں حجر دے سہیئے ایتھے اک پل نہ رہیئے 

وسدے چلے جایئے مار اڈاریاں

 

صورت نورانی جس دی دنیا دیوانی جس دی 

کیوں نہ میں جاواں حافظ اؔس توں بل ہاریاں

Read More

آگئے لجپال بہاراں آئیاں نیں

آگئے لجپال بہاراں آئیاں نیں

آگئے لجپال بہاراں آئیاں نیں
 ہو گیا خوشحال بہاراں آئیاں نیں

حوراں دینڑں مبارکاں آمنہ مائی
 وں ویکھو لگ گئے بھاگ حلیمہ دائی نوں
ہو گئی مال و مال بہاراں آئیاں نیں

لے کے ٹر پئی جدوں میری سرکاراں
 وں پھڑیا جدوں حلیمہ پاک مہاراں نوں
ڈاچی بدلی چال بہاراں آئیاں نیں

دسو کرم کدے تے اس فرمایا نئیں
 آون والا کلا جگ تے آیا نئیں
رب وی آ گیا نال بہاراں آئیاں نیں

چمکیا اے خورشید ہنیرے نس گئے نیں
 اجڑے ہوئے شہر دلاں دے وس گئے نیں
سدراں پائی دھمال بہاراں آئیاں نیں

مال غریب دا نہ کوئی پوچھدا دسدا سی
 روندا سی مظلوم تے ظالم ہسداسی
ظلم دے ٹٹے جال بہاراں آئیاں نیں

جد مکے توں شہر مدینے آیا سی
 رل مل سب لوکاں اے گیت سنایاسی
ہویا کرم کمال بہاراں آئیاں نیں

اودے ذکر تھیں ہر سینہ آباد کرو ناصرؔ 
اج محبوب دا انج میلاد کرو
بنڑ جائے اک مثال بہاراں آئیاں نیں

Read More