In January, 154 children died from measles in Pakistan, World Health Organization

پاکستان میں جنوری میں خسرہ سے 154 بچے ہلاک ہوئے،عالمی ادارہ صحت

اسلام آباد…

 پاکستان میں ماہ جنوری میں خسرہ سے 154 بچے ہلاک ہو ئے ۔ عالمی ادارہ صحت کے مطابق اس سال جنوری میں پاکستان میں خسرہ سے 154 بچے ہلاک ہوئے،سندھ میں ہلاکتوں کی تعداد سب سے زیادہ رہی ۔ عالمی ادارہ صحت کی جانب سے پاکستان میں خسرہ کی وبا ء پر جاری رپورٹ میں کہا گیا ہے کہ اس سال ملک بھر میں 4 ہزار 70 بچوں میں خسرہ کی تصدیق ہوئی ، اور یہ صورت حال تشویش ناک ہے۔رپورٹ کے مطابق سندھ میں خسرہ سے 93 بچے ، بلوچستان میں 39 ،خیبر پختونخوا میں 12 ، پنجاب میں 8 ، فاٹا اور اسلام آباد میں ایک ایک بچے کی ہلاکت ہوئی۔عالمی ادارہ صحت کے مطابق سندھ میں 1 ہزار 786 بچوں میں خسرہ کی تصدیق ہوئی ۔ بلوچستان میں 814 بچوں ، پنجاب میں 787،خیبر پختونخوا میں 440 ، فاٹا میں 106 ، اسلام آباد میں 35 ، جب کہ گلگت بلتستان میں 12 بچوں میں خسرہ کی تصدیق ہوئی۔