مین ہٹن کی بلند وبالا عمارتوں سے سجا لیگو منی لینڈ لوگوں کی توجہ کا مرکز

نیویارک… این جی ٹی… امریکی ریاست نیویارک کی کاؤنٹی ویسٹ چیسٹر میں لیگو لینڈ ڈسکوری سینٹر کا آج سے باقاعدہ افتتاح کردیا گیا ہے۔ 32 ہزار 300 اسکوائر فٹ رقبے پر پھیلے اس لیگو ڈسکوری سینٹرمیں لیگو سے بنے ہو ئے ہزاروں ما ڈلز مو جو دہیں جن کی تیار ی میں 3ملین(30لاکھ) سے زائد لیگو بلا کس استعما ل ہو ئے ہیں ۔ اس انڈورتفریحی سینٹر میں لیگو بلاکس کی مدد سے مین ہٹن کا پورامنی لینڈ آباد کیا گیا ہے جہاں نیویارک شہر کی بلند و بالاعمارتیں بچوں اور بڑوں کی توجہ کا مرکز بنی ہوئی ہیں۔لیگو بلاکس سے بنے ننھے منے شہر کے علاوہ یہاں خصوصی رائیڈز، 4D تھیٹراورتین سے دس سال کے بچوں کے لیے مخصوص پلے ایریا بھی ڈیزائن کیا گیا ہے جہاں ننھے بچے اپنی تخلیقی صلاحیتیں دکھاتے نظر آئینگے۔