محبت ہجر کی دہلیز پر
دو جاگتی آنکھوں میں ٹھہرا اشک ہے
اک ایسا اشک
اک ایسا اشک
جس میں وصل کا سپنا لرزتا ہے
کہ جیسے حوض کے پانی میں بھیگا عکس
کہ جیسے حوض کے پانی میں بھیگا عکس
جھلمل خواب کا منظر
کسی کی ارغوانی اوڑھنی پر جھلملاتا سا ستارہ
یا کسی خواہش کا تنہا سا جزیرہ
جس کے چاروں سمت پانی ہے
اور اس پانی میں جتنے سیپ ہیں
کسی کی ارغوانی اوڑھنی پر جھلملاتا سا ستارہ
یا کسی خواہش کا تنہا سا جزیرہ
جس کے چاروں سمت پانی ہے
اور اس پانی میں جتنے سیپ ہیں
سب موتیوں والے
مگر وہ خیرہ کن موتی کہاں سب کے مقدٌر میں
یہ سب باتیں
تمہیں ملنے پہ مجھ کو
تم سے کہنا تھیں
مگر جاناں ! تمہیں دنیا کے دھندوں سے
مگر جاناں ! تمہیں دنیا کے دھندوں سے
کہاں فرصت
مجھے ڈر ہے کہیں ایسا نہ ہو
مجھے ڈر ہے کہیں ایسا نہ ہو
جب تم کو فرصت ہو
تو میں کہہ دوں
مجھے اب کچھ نہیں کہنا
تو میں کہہ دوں
مجھے اب کچھ نہیں کہنا
0 comments:
Post a Comment