عمران خان کا بہاولپور میں جلسہ سے خطاب،نوازشریف کومناظرے کا پھر چیلنج

بہاول پور…عمران خان نے نوازشریف کو ایک بار پھرمناظرے کا چیلنج کرتے ہو ئے کہا ہے کہ میاں صاحب!خدا کے واسطے اتنا نہ ڈرو ،تھوڑا سا توحوصلہ کرو، بہاول پورکے ڈرنگ اسٹیڈیم کے ہاکی گراوٴنڈ میں پاکستان تحریک انصاف کے چیئرمین عمران خان نے انتخابی جلسے سے خطاب کرتے ہو ئے کہا کہ میاں صاحب!گیدڑکبھی لیڈر نہیں بن سکتا، نوازشریف اور ان کے چھوٹے بھائی ہرجلسے میں تجربے کی بنیاد پر ووٹ مانگتے ہیں،میاں صاحب!آپ کے تجربے سے اللہ بچائے،آپ کے تجربے سے آپ کی فیکٹریاں تو بڑھ گئیں مگرقوم کا کیا ہوا،او میرے میاں صاحب جان دیو، جو 5 بارنہیں کرسکے، چھٹی بارکیا کرو گے۔ آئین کے تحت صوبے بجلی خودپیداکرسکتے ہیں، میاں صاحب آپ نے ایسا کیوں نہیں کیا؟۔عمران خان نے میاں نواز شریف کو مخاتب کرتے ہو ئے کہا کہ زرداری نے جولوٹنا تھا لوٹ لیا، میاں صاحب آپ نے زرداری کو تمام تر مدد فراہم کی ۔اس موقع پر کارکنوں کی ایک بڑی تعداد جلسہ گاہ میں موجود تھی ۔