کراچی: فقیرا گوٹھ اور گرین ٹاوٴن میں رینجرز کا آپریشن، متعدد افراد زیر حراست

کراچی…شاہ فیصل کالونی کے علاقے گرین ٹاوٴن اور سہراب گوٹھ کے علاقے فقیرا گوٹھ میں رینجرز کی جانب سے آپریشن کیا جارہا ہے۔رینجرز ذرائع کے مطابق شاہ فیصل کالونی کے علاقے گرین ٹاوٴن اور سہراب گوٹھ کے علاقے فقیرا گوٹھ میں رینجرز کی جانب سے ٹارگٹیڈآپریشن کیا جارہا ہے،جس کے دوران علاقے کے داخلی اور خارجی راستے بند کرکے مشتبہ افراد کے ٹھکانوں اور رہائشی مکانات پر تلاشی لینے کا سلسلہ جاری ہے،رینجرز آپریشن کے دوران متعدد افراد کو ابتدائی پوچھ گچھ کے لئے حراست میں بھی لے لیا گیا ہے،جن سے مزید معلومات کی جارہی ہیں،رینجرز ذرائع کے مطابق آپریشن کے دوران مختلف اقسام کے ہتھیار بھی برآمد ہوئے ہیں،جن کے لائسنس بھی چیک کئے جارہے ہیں۔