Tay Kar Na Saka.......طے کر نہ سکا

طے کر نہ سکا زیست کے زخموں کا سفر بھی
حالانکہ مِرا دِل تھا شگوفہ بھی شرر بھی

اُترا نہ گریباں میں مقدر کا ستارا
ہم لوگ لٹاتے رہے اشکوں کے گہر بھی

حق بات پہ کٹتی ہیں تو کٹنے دو زبانیں
جی لیں گے مِرے یار باندازِ دگر بھی

حیراں نہ ہو آئینہ کی تابندہ فضا پر
آ دیکھ ذرا زخمِ کفِ آئینہ گر بھی

سوکھے ہوئے پتوں کو اُڑانے کی ہوس میں
آندھی نے گِرائے کئی سر سبز شجر بھی

وہ آگ جو پھیلی میرے دامن کو جلا کر
اُس آگ نے پھونکا میرے احباب کا گھر بھی

محسنؔ یونہی بدنام ہوا شام کا ملبوس
حالانکہ لہو رنگ تھا دامانِ سحر بھی

Tay Kar Na Saka Zeest K Zakhmon Ka Safar Bhi
Halaan’K Mera Dil Tha Shagufa Bhi Sharar Bhi

Utra Na Garaibaan Main Muqddar Ka Sitara
Ham Log Lotatay Rahay Ashkoon Kay Gohar Bhi

Haq Bat Pay Katti Hain To Katney Do Zubanaein
Jee Leyn Gay Merey Yaar Bandaz-E-Digar Bhi

Heraan Na Ho Aaina Ki Tabinda Faza Par
Aa Dekh Zara Zakhm-E-Kaf-E-Aaina Gar Bhi

Sookhay Hoey Patton Ko Uranay Ki Hawas Main
Aandhi Nay Giraey Kaee Sirsabz Shajar Bhi

Woh Aagh Jo Pehli Merey Daman Ko Jalaa Kar
Us Aagh Nay Phoonka Merey Ahbaab Ka Ghar Bhi

Mohsin Yun He Badnaam Hua Sham Ka Malboos

Halaan’K Lahoo Rung Tha Damaan-E- Sehar Bhi…