پاک فوج نے کسی بھارتی کاسرقلم کیا نہ گردن کاٹی گئی، ترجمان بھارتی فوج
ممبئی … بھارتی فوج کی ناردرن کمانڈ کے
ترجمان نے بھارتی میڈیا کی اطلاعات کی تردید کرتے ہوئے بتایا ہے کہ
پاکستانی فوج نے کسی بھارتی فوجی کا سرقلم کیا اور نہ ہی کسی فوجی کی گردن
کاٹی۔ بھارتی فوج کی ناردرن کمانڈ کے ترجمان راجیش کے کالیا کا کہنا ہے کہ
ایک فوجی کی لاش بھارت کے زیر کنٹرول جنگل سے ملی تھی۔ اس سے پہلے بھارت نے
الزام لگایاتھا کہ پاکستانی فوجیوں نے لائن آف کنٹرول کی خلاف ورزی کرتے
ہوئے بھارتی فوجیوں پر فائرنگ کی جس سے 2 فوجی ہلاک ہوگئے۔ بھارتی دفتر
خارجہ نے کل پاکستانی سفیر کو طلب کر کے واقعے پر احتجاج کیا تھا۔ دوسری
جانب پاکستان نے واقعے کی تردید کرتے ہوئے کہا تھا کہ بھارت اپنی جارحیت پر
سے عالمی توجہ ہٹانے کیلئے پروپیگنڈہ کر رہا ہے۔
0 comments:
Post a Comment