"The Threat of Devil."

"شیطان کا خطرہ"                        

امام احمد بن حنبل رحمتہ اللہ علیہ پر جب نزع کا عالم طاری ہوا تو بیٹے نے پوچھا:ابا جان کیا حال ہے؟
آپ نے فرمایا۔۔۔

وقت پُرخطر ہے،جو اب کا موقع نہیں ہے۔بس تم دعا سے میری مدد کرتے رہو، میرے دائیں بائیں جو لوگ بیٹھے ہیں،ان میں شیطان بھی موجود ہے۔

وہ سامنے کھڑا سر پر خاک ڈال کر کہہ رہا ہے کہ احمد تو میرے ہاتھ سے جان سلامت لے کر چلا گیا اور میں کہتا ہوں کہ جب تک ایک سانس بھی باقی ہے، خطرہ موجود ہے۔۔۔
سبحان اللہ ، اتنے بڑے اللہ والے کا یہ حال ہے کہ آخری وقت تک شیطان مردود سے خطرہ محسوس کر رہے ہیں کہ کہیں وہ گمراہ نہ کرے اور ایمان نہ چھین لے اور ایک ہم ہیں کہ اپنی ذرا سی نیکیوں پر مطمئن بیٹھے ہیں کہ بس جنت تو ہماری ہو ہی گئی ہے۔
اللہ ہمیں نیکی کرکے اسے محفوظ رکھنے کی تو فیق عطا فرمائے۔

آمین ثمہ آمین