Dard Ho Dil Mein Tu Dawa Kijiye

درد ہو دل میں تو دوا کیجے
دل ہی جب درد ہو تو کیا کیجے 

ہم کو فریاد کرنی آتی ہے
آپ سنتے نہیں تو کیا کیجے 

ان بتوں کو خدا سے کیا مطلب
توبہ توبہ، خدا خدا کیجے

رنج اٹھانے سے بھی خوشی ہوگی
پہلے دل درد آشنا کیجے

عرضِ شوخی، نشاطِ عالم ہے
حسن کو اور خود نما کیجے 

دشمنی ہو چکی بہ قدرِ وفا
اب حقِ دوستی ادا کیجے 

موت آتی نہیں کہیں غالب
کب تک افسوس زیست کا کیجے

Dard Ho Dil Mein Tu Dawa Kijiye.
Dil Hi Jab Dard Ho Tu Kya Kijiye.

Hum Ko Faryad Karni Aati Hai.
Aap Sunte Nahi Tu Kya Kijiye.

Inn Buton Ko Khuda Se Kya Matlab.
Tuba Tuba Khuda Khuda Kijiye.

Ranj Uthane Se Bhi Khushi Ho Gi.
Pehle Dil Dard-e-Aashna Kijiye.

Arz-e-Shokhi Nashat-e-Aalam Hai.
Husan Ko Our Khud Numa Kijiye.

Dushmani Ho Chuki Beh Qadar Wafa.
Aab Haq-e-Dosti Aada Kijiye.

Moat Aati Nahi Kahin "Ghalib".
Kab Tak Afsoos Zeest Ka kijiye.

(Mirza Asadullah Khan Ghalib)