Happiness Is Very Simple And Innocent.

خوشی جس قدر خوبصورت ہے اتنی ہی سادہ اور معصوم بھی ہوتی ہے.
اس سے پیار کرنے والے اس کے ساتھ ملنے کا وقت اور جگہ طے کر لیں تو یہ ملنے آتی ضرور ہے.
دھوکہ نہیں کرتی یہ کسی کے ساتھ.

لیکن اس سے پیار کرنے والوں نے اس کے بے جا ناز اٹھا اٹھا کر اسے بگاڑنے کی ٹھان رکھی ہے.

اسے ملنے بلانے کو بڑے بڑے events arrange کرنے میں لگے رہتے ہیں.
اس کے رہنے بسنے کو luxurious placese ڈھونڈتے پھرتے ہیں.
بڑی بڑی کامیابیوں كے مواقع، اور شاندار protocol کی فکر میں لگے رہتے ہیں، اور یوں وقت برباد کئے چلے جاتے ہیں.

ورنہ یہ خوشی بیچاری تو اتنی سادہ ہے کہ اچھے موسم کا لطف اٹھانے کے بہانے چلی آتی ہے.
خود اپنی ہی صورت دیکھ، بنانے والے کی صناعى پہ شکرگزار ہو رہے ہوں تو بھی یہ پہلو میں آ کھڑی ہوتی ہے.
کسی پیارے کی غیر متوقع ملاقات پہ،
یا کسی پرانے ہمجولی کے سر راہ ٹکرا جانے پر تو سمجھو یہ بھی ہوا کے جھونکے کی طرح آتی ہے کہیں سے،
اور سانسوں کے رستے ہوتی ہوئی بیچ دل میں اتر کے بیٹھ جاتی ہے.
کسی ننھے بچے کی کھلکھلاہٹ پر یا بھولی سی شرارت دیکھ ہونٹوں پہ مسکان کا روپ دھارے نہ آ بیٹھے یہ تو ممکن ہی نہیں...

اس لئے ہمیں خوشی کو بلانے کے لئے زیادہ تکلفات میں نہیں پڑنا چاہیے...
یہ تو بڑی ہی بھلی مانس ہے، بڑی ہی سادہ اور معصوم.
کچھ حاصل نہ ہو گا اسے بگاڑ کر...