Kon Rok Sakta Hai

::: کون روک سکتا ہے :::

لاکھ ضبطِ خواہش کے
بے شمار دعوے ہوں
اُس کو بھُول جانے کے
بے پناہ اِرادے ہوں
اور اس محبت کو ترک کر کے جینے کا
فیصلہ سُنانے کو
کتنے لفظ سوچے ہوں
دل کو اس کی آہٹ پر
برَملا دھڑکنے سے کون روک سکتا ہے

پھر وفا کے صحرا میں
اُس کے نرم لہجے اور سوگوار آنکھوں کی
خُوشبوؤں کو چھُونے کی
جستجو میں رہنے سے
رُوح تک پگھلنے سے
ننگے پاؤں چلنے سے
کون روک سکتا ہے

آنسوؤں کی بارش میں
چاہے دل کے ہاتھوں میں
ہجر کے مُسافر کے
پاؤں تک بھی چھُو آؤ
جِس کو لَوٹ جانا ہو
اس کو دُور جانے سے
راستہ بدلنے سے
دُور جا نکلنے سے
کون روک سکتا ہے

نوشی گیلانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

lakh zabt e khoahish k
bei shomar daway hon
osko bhool janey k
bay panah eraday hon
aur is muhabat ko
tark ker k jeenay ka
faisla sonaney ko
kitney lafz sochey hon
dil ko oski ahat par
bermala dharakney sei
kon rok sakta hai
phir wafa k sehra mai
oskey narm lehjey or
sogawar ankhon ki
khushboo'n ko choney ki
justajo mai rehney sei
rooh tak pigalney sei
naagey paon chalney sei
kon rok sakta hai
ansoo'n ki barish mai
chahey dil k hathon sei
hijer k musafir k
paon tak b choo aao
jisko lot jana ho
osko door janey sei
rasta badalney sei
door ja nikalney sei
kon rok sakta hai