میری لغزشیں نہ چُنا کرو
میری غلطیاں نہ گِنا کرو
یہ قدم قدم کی حدود کیا
میرے ساتھ ساتھ چلا کرو
میں کُھلے مزاج کا شخص ہوں
میں تکلفات سے ماورا
یہ جو مہربانی کا لفظ ہے
اسے تم نہ مجھ سے کہا کرو
کہیں تم نہ ہو جاؤ بے سکوں
کوئی بد دعا نہ تمہیں لگے
یہ جو کھوئے کھوئے سے لوگ ہیں
انہیں دیکھ کر نہ ہنسا کرو
یہ دعا ہے رب رحیم سے
تیری تازگی کو خزاں نہ ہو
یہ بہار تجھ سے جلا کرے
سدا مسکراتے رہا کرو
0 comments:
Post a Comment