Tumen Jab Kabi Milen Fursaten....

تمھیں جب ملیں کبھی فرصتیں میرے دل سے بوجھ اتار دو

تمھیں جب ملیں کبھی فرصتیں میرے دل سے بوجھ اتار دو
میں بہت دنوں سے اداس ہوں مجھے کوئی شام ادھار دو

مجھے اپنے رنگ کی دھوپ دو کہ چمک سکیں میرے خدوخال
مجھے اپنے رنگ میں رنگ دو،میرے سارے رنگ اتار دو

کسی اور کو میرے حال سے نھ کوئی غرض ہے نہ کوئی واسطہ
میں بکھر گیا ہوں سمیٹ دو،میں بگڑ گیا ہوں سنوار دو

میری وحشتوں کو بڑھا دیا ہے جدائیوں کے عذاب نے
میرے دل پہ ہاتھ رکھو ذرا میری دھڑکنوں کو قرار دو

تمھیں صبح کیسی لگی میری خواہشوں کے دیار کی
جو بھلی لگی تو یہیں رہو اسے چاہتوں سے سنوار دو

وہاں گھر میں کون ہے منتظرکہ فکر ہو دیر سویر کی
بڑی مختصر سی یہ رات ہے اسے چاندنی میں گزار دو