جنوبی افریقہ ورلڈ کلاس لیکن قومی ٹیم ون ڈے سیریز اپنے نام کریگی: احمد شہزاد
لاہور (این این آئی)گرین شرٹس اور پروٹیزکے درمیان جنوبی افریقا میں کھیلے
جانے والے ٹی 20 میچ میں شرکت کے بعد پاکستان کرکٹ ٹیم کے3 کھلاڑی وطن واپس
پہنچ گئے۔ قومی کرکٹ ٹیم کے تینوں کھلاڑی احمد شہزاد، ذوالفقار بابر اور
اسد علی جنوبی افریقہ سے براستہ دبئی وطن واپس پہنچے۔ لاہور ائرپورٹ پر
میڈیا سے گفتگوکرتے ہوئے احمد شہزاد کا کہنا تھا کہ جنوبی افریقہ کی ٹیم
ورلڈ کلاس ہے لیکن پاکستانی ٹیم بھی اچھا کھیلی۔ انہوں نے کہاکہ ہارجیت گیم
کا حصہ ہے۔ اپنے متعلق انہوں نےکہاکہ وہ محنت کر رہے ہیں، اپنی پرفارمنس
میں مزید بہتری کی کوشش کریں گے۔ جنوبی افریقہ کےخلاف ون ڈے اسکواڈ میں
تبدیلیوں پر انہوں نے امید ظاہر کی کہ ٹیم بہتر کارکردگی کامظاہرہ کرے گی
اور سیریز اپنے نام کریں گی۔
0 comments:
Post a Comment