Bhari Mehfil Mein Tanhai Ka Aalam Dhoondh Leta Hoon

بھری محفل میں تنہائی کا عالم ڈھونڈ لیتا ہوں
جہاں جاتا ہوں اپنے دل کا موسم ڈھونڈ لیتا ہوں

اکیلا خود کو جب محسوس کرتا ہوں کسی لمحے
کسی امید کا چہرہ کوئی غم ڈھونڈ لیتا ہوں

بہت ہنسی نظر آتی ہیں جو آنکھیں سر محفل
میں ان آنکھوں کے پیچھے چشم پرنم ڈھونڈ لیتا ہوں

گلے لگ کر کسی کے چاہتا ہوں جب کبھی رونا
شکستہ اپنے جیسا کوئی ہمدم ڈھونڈ لیتا ہوں

کیلنڈر سے نہیں مشروط میرے رات دن ساجد
میں جیسا چاہتا ہوں ویسا موسم ڈھونڈ لیتا ہوں

• — — — — — — — — — — — — •
اعتبار ساجد

Bhari Mehfil Mein Tanhai Ka Aalam Dhoond Leta hoon
Jahan Jaata hoon, Apne Dil Ka Mousam Dhoond Leta hoon

Akela Khud Ko Jab Mehsoos Karta hoon Kisi Lamhay
Kisi Umeed Ka Chehra Koi Gham Dhoond Leta hoon .... ♥ ♥

Bohut hansi Nazar Ati hein Jo Ankhain Sar-e-Mehfil
Main In Ankho'n Kay Peeche Chashm-e-Purnam Dhoond Leta hoon

Gale Lag Ker Kisi Kay Chahta hoon Jab Kabhi Rona
Shikasta Apne Jesa koi ham-dam Dhoond Leta hoon

Calander Se Nahi Mashroot Mere Raat Din Zaheer !!
Main Jaisa Chahta hoon Wesa Mousam Dhoond Leta hoon