فلم "عاشقی ٹو"کے نئے گانے"چاہوں میں یا نہ"کی وڈیو جاری

ممبئی… این جی ٹی…بالی ووڈ کے معروف فلمساز و ہدایتکارمہیش بھٹ کی 90 کی وہائی کی سپر ہٹ رومانٹک فلم عاشقی کے سیکوئل "عاشقی ٹو" ریلیز کے لیے تیار ہے جس میں ادتیہ رائے کپور اور شردھا کپور مرکزی کرداروں میں جلوئہ گر ہورہے ہیں۔ فلم کے نئے رومانٹک گانے "چاہوں میں یا نہ"کی وڈیو بھی جاری کردی گئی ہے جسکے بول ارشاد کامل نے تحریر کیے ہیں۔ "چاہوں میں یا نہ"کے بولوں پر مبنی اس گانے کو اریجیت سنگھ اور پلک مچھال کی آواز میں ریکارڈکیا گیاہے جسکی وڈیو میں فلم کے ہیرو ادتیہ رائے کپوراپنی ہیروئن کو گانا سکھا رہے ہیں جبکہ اسکا میوزک جیت گنگولی نے کمپوز کیا ہے۔فلم میں گزارش اور ایکشن ری پلے سے شہرت حاصل کرنے والے اداکار ادتیہ رائے کپور بطور ہیرواور اداکار شکتی کپور کی بیٹی شردھا کپور بحیثیت ہیروئن جلوہ گر ہورہی ہیں جسے مکیش بھٹ کیساتھ بھوشن اور کرشن کمار نے پروڈیوس کیا ہے ۔ بھٹ برادران کے وشیش فلمز کے بینر تلے بننے والی رومانٹک ایکشن فلم عاشقی ٹوکے ہدایتکار موہت سوری ہیں جو رواں سال10مئی کو سینما گھروں کی زینت بنے گی ۔