کراچی: سلطان آباد، ہجرت کالونی میں پولیس کاٹارگیٹڈ آپریشن

کراچی…کراچی کے علاقے سلطان آباد اور ہجرت کالونی میں پولیس نے ٹارگیٹڈ آپریشن کے دوران 9 مشتبہ ملزمان کو حراست میں لے لیا ، پولیس کے مطابق حراست میں لئے گئے ملزمان میں سے 5 پولیس کو مطلوب تھے۔ ایس پی صدر سلمان حسین کے مطابق پولیس کی جانب سے کیے جانے والے آپریشن کے دوران کرمنل ریکارڈ رکھنے والے افراد کے ٹھکانوں پر چھاپے مارے گئے اور حراست میں گئے ملزمان کی تعداد 9 ہوگئی ہے جن میں سے 5 پولیس کو مطلوب تھے۔ ایس پی صدر سلمان حسین کے مطابق ملزمان کے قبضے سے اسلحہ اور منشیات برآمد کی گئی ہے، ملزمان میں سے ایک ملزم منشیات کی فروخت میں ملوث ہے۔