امریکی چڑیا گھر میں بھوکے اونٹ کی بچی کو اپنا لقمہ بنانے کی کوشش۔۔

نیویارک…این جی ٹی…عام طور پر چڑیا گھر میں مو جود جانور روزانہ انسانوں کو دیکھ کر ان سے اس قدر مانوس ہو جاتے ہیں اور انہیں کسی قسم کا جانی نقصان نہیں پہنچاتے لیکن امریکہ کے ایک چڑیا گھر میں بالکل منفرد واقعہ دیکھنے کو ملا۔ ایک جوڑا اپنی کار میں سوار ہوکر اپنی ننھی بچی کو چڑیا گھر کی سیر کرارہا تھا کہ اچانک ایک دیوہیکل اونٹ ان کی گاڑی کے شیشے سے اپنا منہ اندر ڈال کر بچی کے سَر کو اپنا لقمہ بنانے لگا ۔یہ بچی اور اس کے والدین اس اونٹ کواپنے اتنا قریب پا کراسے پیار کر نے میں مصروف تھے کہ یہ اونٹ اپنی بھوک پر قابو نہ رکھ سکا اور بچی کے سَر کو اپنے منہ میں دبوچنے لگا ۔خوش قسمتی سے اس کے والد نے اونٹ کو فوراً ہاتھ سے پیچھے ہٹاکر بچی کو بچا لیا جبکہ دوسری جانب یہ بچی اس نازک صورتحال سے ناواقف اونٹ کو دیکھ کر ہنستی مسکراتی ہی رہی۔