Har Dard Pehan Lena, Har Khwab Mein Kho Jana

ہر درد پہن لینا ، ہر خواب میں کھو جانا
کیا اپنی طبیعت ہے ، ہر شخص کا ہو جانا

اک شہر بسا لینا بچھڑے ہوئے لوگوں کا
پھر شب کے جزیرے میں دل تھام کے سو جانا

موضوعِ سخن کچھ ہو ، تا دیر اسے تکنا
ہر لفظ پہ رک جانا ، ہر بات پہ کھو جانا

آنا تو بکھر جانا سانسوں میں مہک بن کر
جانا تو کلیجے میں کانٹے سے چبھو جانا

جاتے ہوئے چپ رہنا ان بولتی آنکھوں کا
خاموش تکلم سے پلکوں کو بھگو جانا

لفظوں میں اتر آنا ان پھول سے ہونٹوں کا
اک لمس کی خوشبو کا پوروں میں سمو جانا

ہر شام عزائم کے کچھ محل بنا لینا
ہر صبح ارادوں کی دہلیز پہ سو جانا

اعتبار ساجد

Har Dard Pehan Lena, Har Khwab Mein Kho Jana
 Kya Apni Tabiyat Hia, Har Sakhs Ka Ho Jana

 Ik Shehar Basa Lena Bichre Hue Logon Ka
 Phir Shab Ke Jazeere mein Dil Thaam Ke So Jana

 Mozoo-e-Sakhn Kuch Ho, Ta Dair Use Takna
 Har Lafz Pe Ruk Jana, Har Baat Pe Kho Jana

 Aana To Bikhar Jana Saanson Mein Mehak Ban Ker

Jaana To Kaleje Mein Kante Se Chabho Jana

 Jaate Hue Chup Rehna Un Bolti Aankhon Ka 

Khamosh Takalm Se Palkon Ko Bhago Jana

Lafzon Mein Uter Ana In Phool Se Honton Ka

Ik Lams Ki Khushbu Ka Poron Mein Samo jana
 

Har Shaam Azayim Ke Kuch Mehal Bana Lena
 Har Subah Iraadon Ki Dehleez Pe So Jana