موٹاپا ہوتا ہے مستقل خطرہ

موٹاپا اور زیادہ جسمانی وزن امراض قلب کا باعث بن سکتے ہیں۔

یہ بات سوئیڈن میں ہونے والی ایک طبی تحقیق میں سامنے آئی ہے۔

اس سے پہلے یہ شبہات تو موجود تھے کہ موٹاپا امراض قلب کا باعث بنتا ہے، اس تحقیق میں اس بات کی واضح تصدیق کردی گئی ہے۔

اوپسلا یونیورسٹی کی تحقیق کے مطابق جسمانی وزن میں مقررہ حد سے زیادہ اضافہ انتہائی خطرناک ثابت ہوتا ہے کیونکہ ایسے افراد میں ذیابیطس اور دل کی حرکت تھم جانے کا خطرہ بہت زیادہ بڑھ جاتا ہے۔

تحقیق میں کہا گیا ہے کہ موٹاپے سے ذیابیطس کا خطرہ سابقہ اندازوں سے بھی زیادہ ہوتا ہے۔

تحقیق میں مزید بتایا گیا ہے کہ جسمانی وزن بڑھنے سے ہارٹ فیل کا خطرہ اوسطاً 20 فیصد تک بڑھ جاتا ہے جب کہ ہائی بلڈ پریشر، کولیسٹرول کی خرابی اور دیگر مسائل کا سامنا بھی ہوسکتا ہے۔