Blessing Of Ramzan

رمضان کی برکت

حضرت ابو سعید خدری رضی اللہ عنہ فرماتے ہیں کہ جناب رسول اللہ صلی اللہ علیہ وآلہ وسلم نے ارشاد فرمایا۔۔۔۔
ترجمہ:جب ماہ رمضان کی پہلی رات ہوتی ہے تو آسمانوں کے دروازے کھول دیئے جاتے ہیں ان میں سے کوئی دروازہ بند نہیں کیا جاتا حتٰی کہ ماہ رمضان کی آخری رات ہو جاتی ہے۔ اور کوئی مسلمان بندہ ایسا نہیں ہے جو رمضان کی کسی رات میں نماز ادا کرے مگر اللہ تعالی اس کیلئے ہر رکعت کے بدلے میں ڈیڑھ ہزار نیکیاں لکھتے ہیں اور ان کیلئے (اس رکعت کے بدلہ میں) جنت میں سرخ یاقوت کا ایک محل بنایا جاتا ہے جس کے ستر ہزار دروازے ہوں گے اس کے ہر دروازہ کا ایک محل ہو گا جو یاقوت احمر سے ملمع سونے کا کیا گیا ہو گا،جب وہ یکم رمضان کا روزہ رکھتا ہے تو اس کے (گذشتہ سال کے) ایسے ہی ماہ رمضان کے دن تک کے (سابقہ تمام صغیرہ) گناہ معاف کر دیئے جاتے ہیں اور اس کیلئے روزانہ صبح کی نماز سے لیکر غروب آفتاب تک ستر ہزار فرشتے استغفار کرتے ہیں۔ اور اس کیلئے ہر اس رکعت کے بدلہ میں جو اس نے ماہ رمضان میں رات کے وقت یا دن کے وقت پڑھی ایک درخت عطاء کرتے ہیں جس کے سایہ میں پانچ سو سال تک سوار چل سکتا ہے۔
(شعب الایمان،بیہقی )