دنیا کا سب سے بڑا ریل روڈ ماڈل

پاکستان میں لوگ ریلوے کا نام سن کر ہی کانوں کو ہاتھ لگا لیتے ہیں مگر ایک امریکی شخص کو تو اس سے اتنی محبت ہے کہ اس نے دنیا کا سب بڑا ریل روڈ ماڈل تیار کرکے دکھا دیا۔

آٹھ میل لمبے ٹریک میں سو سے زائد ٹرینیں، 400 پل وغیرہ نصب کئے گئے ہیں اور اس کی تکمیل ایک یا 2 نہیں بلکہ پورے 16 سال میں ہوئی ہے۔

نیوجرسی کے رہائشی اس شخص نےاس سب سے بڑے ماڈل میں 3 ہزار عمارات کی چھوٹی نقول،50 ہزار درخت اور 40 سڑک عبور کرنے والے پلوں کو بھی رکھا گیا ہے۔

بروس ولیمز نامی اس شخص نے اپنے گھر میں یہ انوکھا ماڈل تیار کیا ہے اور اس کا ڈیزائن بھی اس نے خود ہی تیار کیا ہے۔

اس کے لئے بروس نے 16 سال تک روزانہ 18 سے 19 گھنٹے کام کرکے اپنے خواب کو حقیقی شکل دی اور اب وہ اسے گنیز بک آف ورلڈ ریکارڈ کا حصہ بنانا چاہتے ہیں۔