مرد دل پھینکنے میں خواتین سے آگے

یہ بات تو اب سچ ہوگئی ہے کہ اس جدید دور میں حقیقی محبت تلاش کرنا آسان نہیں اور مرد حضرات تو ہر وقت کیوپڈ کے تیر کا ہدف بننے کے لئے تیار نظر آتے ہیں۔

ایسا دلچسپ دعویٰ برطانیہ میں ہونے والی ایک سروے نما تحقیق میں سامنے آیا ہے۔

تحقیق کے مطابق اب بیشتر افراد پہلی ملاقات میں ہی دل ہار بیٹھتے ہیں، خصوصاً مرد اس معاملے میں خواتین سے بہت آگے ہیں جن کی 29 فیصد اکثریت کسی بھی نئی خاتون سے ملتے ہی اپنا دل ہار بیٹھتی ہے۔

اس معاملے میں خواتین زیادہ مستعد نہیں اور وہ ممکنہ شریک حیات کی ظاہری روپ کی بجائے شخصیت اور دلچسپیوں کو مدنظر رکھ کر فیصلہ کرتی ہیں، تاہم سروے میں ہر پانچ میں سے ایک خاتون نے بھی پہلی نظر میں گرفتار محبت ہونے کا اعتراف کیا۔