حکمران کی ذمہ داری
ایک
مرتبہ خلافت عثمانیہ کے حکمران سلیمان قانونی (66-1520ء)کی خدمت میں ایک
بوڑھی خاتون یہ شکایت لے کر حاضر ہوئی کہ خلیفہ کے سپاہیوں نے اس کے مویشی
چرا لیے ہیں جبکہ چوری کے وقت وہ اپنے گھر کے اندر سو رہی تھی۔
سلیمان ذی شان نے بڑھیا کی سرزنش کرتے ہوئے کہا:
کان علیک ان تسھری علی مواشیک والا تنامی
"تمہارے لیے ضروری تھا کہ اپنے مویشیوں کی حفاظت کے لیے رات کو جاگتیں اور سونے سے اجتناب کرتیں"۔
خلیفہ کی بات سن کر بڑھیا ٹکٹکی باندھے کچھ دیر اسے دیکھتی رہی پھر اس کی سرزنش کا جواب ان الفاظ میں دیا:
ظننتک ساھرا علینا یا مولای ،فنمت مطمئنۃ البال
"میرے آقا! میں نے سمجھا آپ ہماری دیکھ بھال کے لیے جاگ رہے ہیں اسی لیے میں کسی پرواہ کے بغیر اطمینان کی نیند سو رہی تھی۔"
بڑھیا کا اطمینان بخش جواب سن کر سلیمان کو اپنی غلطی کا اعتراف کیے بغیر کوئی چارہ نہ رہا،چنانچہ وہ گویا ہوا:
معک حق
تمہارے ساتھ حق ہے (یعنی تم حق پر ہو)
(مجلۃ الفصیل :126/264،نساء ذکیات جدا:43)
(سنہری کرنیں ازعبدالمالک مجاہد)
(سنہری کرنیں ازعبدالمالک مجاہد)
0 comments:
Post a Comment