Dil Dukhate Rahe Ji Jalate Rahe

دل دکھاتے رہے جی جلاتے رہے
حوصلے درد کے آزماتے رہے

دور اتنـی نہ تھـی منـزل آرزو
راستے دوسروں کو دکھاتے رہے

جان پہچان اپنی کہاں ہو سکی
لوگ آتے رہـے لوگ جاتـے رہـے

رنگ و بَو کی جگہ دُھول ہے خاک ہے
پھول گلـزار سے خـار کھاتے رہـے

سانس لینے کی فرصت کہاں تھی ادا
یـاد آنـے کـو وہ یـاد آتـے رہـے

~ادا جعفری~

 Dil Dukhate Rahe Ji Jalate Rahe
Hosalle Dard K Azmate Rahe

Door Itni Na Thi Manzile Arzoo
Raste Dosroo Ko Dikhate Rahe

Jaan Pehchaan Apni Na Ho Saki
Log Ate Rahe Log Jate Rahe

Rango Boo Ki Jagah Dhool He Khak He
Phool Gulzaar Se Khar Khate Rahe

Sans Lene Ki Fursat Kaha Thi Aada
Yaad Ane Ko Wo Yaad Aate Rahe

Read More

Honton Pe Kabhi In K Mera Naam He Aye

ہونٹوں پہ کبھی ان کے میرا نام ہی آئے
آئے تو سہی بر سرِ الزام ہی آئے

حیران ہیں، لب بستہ ہیں، دل گیر ہیں غنچے
خوشبو کی زبانی تیرا پیغام ہی آئے

لمہحاتِ مسرت ہیں تصوّر سے گریزاں
یاد آئے ہیں جب بھی غم و آلام ہی آئے

تاروں سے سجالیں گے رہ شہرِ تمنّا
مقدور نہیں صبح ، چلو شام ہی آئے

کیا راہ بدلنے کا گلہ ہم سفروں سے
جس راہ سے چلے تیرے در و بام ہی آئے

تھک ہار کے بیٹھے ہیں سرِ کوئے تمنّا
کام آئے تو پھر جذبئہِ نام ہی آئے

باقی نہ رہے ساکھ ادا دشتِ جنوں کی
دل میں اگر اندیشہ انجام ہی آئے

Read More