Rog Aisay Bhi Gham-e-Yaar Se Lag Jate Hein

روگ ایسے بھی غمِ یار سے لگ جاتے ہیں

در سے اُٹھتے ہیں تو دیوار سے لگ جاتے ہیں

عشق آغاز میں ہلکی سی خلش رکھتا ہے

بعد میں سینکڑوں آزار سے لگ جاتے ہیں

پہلے پہلے ہوس اک آدھ دکاں کھولتی ہے

پھر تو بازار کے بازار سے لگ جاتے ہیں

بے بسی بھی کبھی قربت کا سبب بنتی ہے

رو نہ پائیں تو گلے یار سے  لگ جاتے ہیں

کترنیں غم کی جو گلیوں میں اُڑی پھرتی ہیں

گھر میں لے آؤ تو انبار سے لگ جاتے ہیں

داغ دامن کے ہوں، دل کے ہوں کہ چہرے کے فرازؔ

کچھ نشاں عمر کی رفتار سے لگ جاتے ہیں

Rog Aisay Bhi Gham-e-Yaar Se Lag Jate Hein

Dar Se Uthte Hein Tou, Diwaar Se Lag Jate Hein

Ishq Aaghaz Mein Halki Si Khalish Rakhta Hai

Baad Mein Sainkron Aazaar Se Lag Jate Hein

Pehle Pehle Hawas Ik Aadh Dukaan Kholti Hai

Phir Tou Bazaar K Bazaar Se Lag Jate Hein

Be-Basi Bhi Kabhi Qurbat Ka Sabab Banti Hai

Ro Na Paen Tou Galay Yaar Se Lag Jate Hein

Katrane Gham Ki Jo Galyon Mein Urri Phirti Hein

Ghar Mein Lay Aao Tou Anbaar Se Lag Jate Hein

Daag Daman K Hon, Dil K Hon K Chehre K Faraz

Kuch Nishan Umr Ki Raftaar Se Lag Jate Hein....

Read More

Tujhko Bhoolay Hein Tou Kuch Dosh Zmane Ka Na Tha

تجھ کو بُھولے ہیں تو کچھ دوش زمانے کا نہ تھا

    اب کے لگتا ہے کہ یہ دکھ ہی ٹھکانے کا نہ تھا

    یہ جو مقتل سے بچا لائے سروں کو اپنے

    ان میں اک شخص بھی کیا میرے گھرانے کا نہ تھا

    ہر برس تازہ کِیا عہدِ محبت کو عبث

    اب کُھلا ہے کہ یہ تہوار منانے کا نہ تھا

    اب کے بے فصل بھی صحرا گل و گلزار سا ہے

    ورنہ یہ ہجر کا موسم ترے آنے کا نہ تھا

    دوش پر بارِ زمانہ بھی لئے پھرتے ہیں

    مسئلہ صرف ترے ناز اٹھانے کا نہ تھا

    یار! کیا کیا تری باتوں نے رُلایا ہے ہمیں

    یہ تماشا سرِ محفل تو دِکھانے کا نہ تھا

    کوئی کس منہ سے کرے تجھ سے شکایت جاناں

    جس کو تُو بھول گیا یاد ہی آنے کا نہ تھا

    آئے دن اک نئی آفت چلی آتی ہے فرازؔ

    اب پشیماں ہیں کہ یہ شہر بسانے کا نہ تھا

Tujhko Bhoolay Hein Tou Kuch Dosh Zmane Ka Na Tha

Ab K Lagta Hai K Yeh Dukh He Thikane Ka Na Tha

Yeh Jo Maqtal Se Bacha Laey Hein Saron Ko Apne

Un Mein Ik Shakhs Bhi Kia Mere Gharane Ka Na Tha

Har Baras Taza Kia Ehd-e-Mohabbat Ko Abus

Ab Khula Hai K Yeh Tehwaar Manane Ka Na Tha

Ab K Be-Fasl Bhi Sehra, Gul-o-Gulzaar Sa Hai

Warna Yeh Hijr Ka Mosam Tere Aanay Ka Na Tha

Dosh Par Baar-e-Zamana Bhi Liyeh Phirte Hein

Mas’ala Sirf Tere Naaz Uthane Ka Na Tha

Yaar Kia Kia Teri Baton Ne Rulaya Hai Hame

Yeh Tamasha Sar-e-Mehfil Tou Dikhane Ka Na Tha

Koi Kis Mounh Se Kare Tujh Se Shikayat Janaa

Jis Ko Tu Bhool Gaya Yaad He Aany Ka Na Tha

Aaey Din Ik Aafat Chali Aati Hai Faraz

Ab Pashemaan Hein K Yeh Shehar Basane Ka Na Tha,,..

Read More

Umr Bhar Ka Maan Toota Aur Kia

عمر بھر کا مان ٹوٹا اور کیا

موڑ آیا ساتھ چُھوٹا اور کیا

کون سچ کہتا ہے سچ سنتا ہے کون

میں بھی جُھوٹا تُو بھی جُھوٹا اور کیا

جان سے جانا ضروری تو نہیں

عاشقی میں سر تو پُھوٹا اور کیا

ہوتے ہوتےلعل پتھر ہو گئے

رفتہ رفتہ رنگ چُھوٹا اور کیا

رہ گیا تھا یاد کا رشتہ فقط

آخرش یہ پُل بھی ٹُوٹا اور کیا

اُس کی آنکھیں بھی کبھی سچ بولتیں

دل تو تھا جھوٹوں سا جھوٹا اور کیا

غیر تو تھے غیر، اپنے آپ کو

سب سے بڑھ کر ہم نے لُوٹا اور کیا

اس قدر کافی تھی یادِ کربلا

روئے دھوئے سینہ کوٹا اور کیا

آؤ دیکھو تو ذرا باغِ وفا

اب کوئی گل ہے نہ بوٹا اور کیا

فتنہ سامانی میں یکساں ہیں فرازؔ

اپنا دل ہو یا کہوٹا اور کیا

Umr Bhar Ka Maan Toota Aur Kia

Morr Aaya Sath Choota Aur Kia

Kon Such Kehta Hai, Such Sunta Hai Kon

Mein Bhi Jhoota Tu Bhi Jhoota Aur Kia

Jaan Se Jana Zaroori Tou Nahi

Aashqi Mein Sar Tou Phoota Aur Kia

Hotay Hotay Laal Pathar Hogaey

Rafta Rafta Rung Choota Aur Kia

Reh Gaya Tha Yaad Ka Rishta Faqat

Akhrash Yeh Pull Bhi Toota Aur Kia

Uski Aankhein Bhi Kabhi Such Bolti

Dil Tou Tha Jhooton Sa Jhoota Aur Kia

Gair Tou Thay Gair , Apne Aap Ko

Sab Se Barh Kar Hum Ne Loota Aur Kia

Is Qadar Kafi Thi  Yad-e-Karbala

Roey Dhoey Seena Koota Aur Kia

Aao Dekho Tou Zara Baagh-e-Wafa

Ab Koi Gul Hai Na Boota Aur Kia

Fitna Samani Mein Yaksaan Hai Faraz

Apna Dil Ho Ya Kahoota Aur Kia,.......

Read More

Khabar Thi Ghar Se Woh Nikla Hai Meenh Barstey Mein

خبر تھی گھر سے وہ نکلا ہے مینہ برستے میں

تمام شہر لئے چھتریاں تھا رستے میں

بہار آئی تو اک شخص یاد آیا بہت

کہ جسکے ہونٹوں سے جھڑتےتھےپھول ہنستےمیں

کہاں کے مکتب و ملّا کہاں کے درس و نصاب

بس اک  کتابِ محبت رہی ہے بستے میں

مِلا تھا ایک ہی گاہک تو ہم بھی کیا کرتے

سو خود کو بیچ دیا بے حساب سستے میں

یہ عمر بھر کی مسافت ہے، دل بڑا رکھنا

کہ لوگ ملتے بچھڑتے رہیں گے رستے میں

ہر ایک در خورِ رنگ و نمو نہیں ورنہ

گل و گیاہ سبھی تھے صبا کے رستے میں

ہے زہرِ عشق، خمارِ شراب ہے آگے

نشہ بڑھاتا گیا ہے یہ سانپ ڈستے میں

جو سب سے پہلے ہی رزمِ وفا میں کام آئے

فراز ہم تھے انہیں عاشقوں کے دستے میں

Khabar Thi Ghar Se Woh Nikla Hai Meenh Barstey Mein

Tamaam  Shehar  Liyeh  Chatriyaan Tha  Rastey Mein

Bahaar Aaie Tou , Ik  Shakhs  Bohat Yaad Aaya

K Jis K Honton Se Jhartey Thay Phool  Hanste Mein

Kahan K Maktab-o-Mulla , Kahan K Dars-o-Nisaab

Bus  Ik  Kitab-e-Mohabbat  Rahi  Hai  Bastey  Mein

Mila Tha Aik He Gaahak Tou Hum Bhi Kia Karte

So Khud Ko Baich Diya Hai  Hisaab Sastey Mein

Yeh Umr Bhar Ki Musafat Hai Dil Barra Rakhna

K Log Miltey  Bichrtey  Rahen Gay Rastey Mein

Har Aik Dar Khhor-e-Rang-o-Namu Nahi  Warna

Gul-o-Gayah  Sabhi  Thay  Saba K Rastey  Mein

Hai Zehr-e-Ishq , Khumar-e-Sharab  Hai  Aagay

Nasha Barhata Gaya Hai Yeh Saanp Dastey Mein

Jo Sab Se Pehle He Razm-e-Wafa Mein Kaam Aaey

Faraz Hum Bhi Thay Inhe  Aashiqon Rastey Mein,,,...

Read More

Mein K Pur-Shor Samandar Thay Mere Paon Mein

میں کہ پر شور سمندر تھے مرے پاؤں میں

اب کہ ڈوبا ہوں تو سوکھے ہوئے دریاؤں میں

نامرادی کا یہ عالم ہے کہ اب یاد نہیں

تو بھی شامل تھا کبھی میری تمناؤں میں

دن کے ڈھلتے ہی اُجڑ جاتی ہیں آنکھیں ایسے

جس طرح شام کو بازار کسی گاؤں میں

چاک دل سی کہ نہ سی زخم کی توہین نہ کر

ایسے قاتل تو نہ تھے میرے مسیحاؤں میں

ذکر اُس غیرتِ مریم کا جب آتا ہے فراز

..گھنٹیاں بجتی ہیں لفظوں کے کلیساؤں میں

Mein K Pur-Shor Samandar Thay Mere Paon Mein

Ab K Dooba Hoon Tou Sookhay Huey Daryaaon Mein

Na Muradi Ka Yeh Aalam Hai K Ab Yaad Nahi

Tu Bhi Shamil Tha Kabhi Meri Tamannaon Mein

Din K Dhaltay He Ujar Jati Hein Aankhen Aisay

Jis Tarha Shaam Ko Baazaar Kisi Gaaon Mein

Chaak-e-Dil See K Na See, Zakhm Ki Touheen Na Kar

Aisay Qatil Tou Na Thay Mere Masihaoun Mein

Zikr Us Gairat-e-Maryam K Jab Aata Hai faraz

Ghantiyaan Bajti Hein Lafzon K Kalisaaoun Mein…

Read More

Faaslay Itney Barhey Hijr Mein Aazaar K Sath

فاصلے اتنے بڑھے ہِجر میں آزار کے ساتھ

 اب تو وہ بات بھی کرتے نہیں غمخوار کے ساتھ

 اب تو ہم گھر سے نِکلتے ہیں تو رکھ دیتے ہیں

 طاق پہ عزتِ سادات بھی دستار کے ساتھ

 اِک تو تم خواب لیے پِھرتے ہو گلیوں گلیوں

 اس پہ تکرار بھی کرتے ہو خریدار کے ساتھ

 ہم کو اس شہر میں جینے کا سودا ہے جہاں

 لوگ معمار کو چُن دیتے ہیں دیوار کے ساتھ

 خوف اِتنا ہے تیرے شہر کی گلیوں میں فرازؔ

 ... چاپ سُنتے ہیں تو لگ جاتے ہیں دیوار کے ساتھ

Faaslay Itney Barhey Hijr Mein  Aazaar K Sath

Ab Tou Woh Baat Bhi Karte Nahi  Gham-Khuwar K Sath

Ab Tou Hum Ghar Se Nikalte Hein Tou Rakh Dete Hein

Taaq Pay Izzat-e-Sadaat Bhi Dastaar K Sath

Ik Tou Tum Khuwaab Liyeh Phirte Ho Galyon Galyon

Us Pay Takraar Bhi Kartey Ho Kharidaar K Sath

Hum Ko Us Shehar Mein Jeenay Ka Soda Hai Jahan

Log Mai’maar Ko Chun Dete Hein Diwaar K Sath

Khof Itna Hai Tere Shehar Ki Galyon Mein Faraz

Chaap Sunte Hein Tou Lag Jate Hein Diwaar K Sath ....

Read More

Sarapa Ishk Hun Main Ab Bikhar Jaon To Behtar Hai

سراپا عشق ہوں میں اب بکھر جاؤں تو بہتر ہے
جدھر جاتے ہیں یہ بادل ادھر جاؤں تو بہتر ہے 

ٹھہر جاؤں یہ دل کہتا ہے تیرے شہر میں کچھ دن
مگر حالات کہتے ہیں کہ گھر جاؤں تو بہتر ہے 

دلوں میں فرق آئیں گے تعلق ٹوٹ جائیں گے
جو دیکھا جو سنا اس سے مکر جاؤں تو بہتر ہے 

یہاں ہے کون میرا جو مجھے سمجھے گا فراز
میں کوشش کر کے اب خود ہی سنور جاؤں تو بہتر ہے

Sarapa Ashk hun main ab bikhar jaon to behtar hai
Jidhar jaate hain ye baadal udhar jaon to behtar hai
Thehrjaon Ye Dil kehta hai tere shehr me kuch din
Mgr halaat kehtehain k Ghar jaon to behtar hai

Dilon me farq Aaein Ge taaluq toot jaaein Ge
Jo dekha jo sunaus se mukar jaon to behtar hai

Yahan hai kon mera jo mujhe samjhe Ga FARAZ'

Main koshish kark ab khud hi sudhar jaon to behtar hai..

Read More

Is Ka Socha Bhi Na Tha Ab K Jo Tanha Guzri,

اِس کا سوچا بھی نہ تھا اب کے جو تنہا گزری
وہ قیامت ہی غنیمت تھی جو یکجا گزری

آ گلے تجھ کو لگا لوں میرے پیارے دشمن
اک مری بات نہیں تجھ پہ بھی کیا کیا گزری

میں تو صحرا کی تپش، تشنہ لبی بھول گیا
جو مرے ہم نفسوں پر لب ِدریا گزری

آج کیا دیکھ کے بھر آئی ہیں تیری آنکھیں
ہم پہ اے دوست یہ ساعت تو ہمیشہ گزری

میری تنہا سفری میرا مقدر تھی فراز
ورنہ اس شہر ِتمنا سے تو دنیا گزری

 Is Ka Socha Bhi Na Tha Ab K Jo Tanha Guzri,
Wo Qayamat Hi Ghaneemat Thi Jo Yakja Guzri,

Aa Galay Tujh Ko Laga Loon Mere Piyare Dushman,
Ik Meri Baat Nahi, Tujh Pay Bhi Kya Kya Guzri,

Main To Sehra K Tapish, Tishna Labi Bhool Gaya,
Jo Mere Hum_Nafson Pay Lab_e_Dariya Guzri,

Aaj Kya Dekh K Bhar Aai Hain Aankhein Teri,
Hum Pay Ay Dost Ye Saa'at To Humesh Guzri,

Meri Tanha Safri Mera Muqaddar Thi Faraz,
Warna Is Sheher_e_Tamanna Say To Duniya Guzri

Read More