Woh Waqt Meri Jaan Bohut Door Nahi Hey

وہ وقت
مری جان
بہت دور نہیں ہے
جب درد سے رک جائیں گی سب
زیست کی راہیں
اور حد سے گزر جائے گا اندوہِ
نہانی
تھک جائیں گی ترسی ہوئی
ناکام نگاہیں
چھن چائیں گے مجھ سے مرے
آنسو مری آہیں
چھن جائے گی مجھ سے مری
بے کار جوانی
شاید مری الفت کو بہت یاد
کرو گی
اپنے دلِ معصوم کو ناشاد کرو
گی
آؤ گی مری گور پہ تم اشک
بہانے
نوخیز بہاروں کے حسیں
پھول چڑھانے
شاید مری تربت کو بھی
ٹھکرا کے چلو گی
شاید مری بے سود وفاؤں پہ
ہنسو گی
اس وضع کرم کا بھی تمہیں
پاس نہ ہوگا
لیکن دلِ ناکام کو احساس نہ
ہوگا
القصّہ مآل غمِ الفت پہ
ہنسو تم
یا اشک بہاتی رہو، فریاد کرو
تم
ماضی پہ ندامت ہو تمہیں یا
کہ مسرت
خاموش پڑا سوئے گا وا ماندۂ
الفت

فیض احمد فیض

Woh Waqt

 Meri Jaan

 Bohut Door Nahi Hey
Jab Dard Sey Ruk Jyen Gi Sab

 Zeast Ki Rahain
Aur Had Sey Guzar Jye Ge Andoh

 Nihani
Thak Jyen Gi Tarsi Hui

 Nakam Nigahain
Chin Jyen Gey Mujh Sey Merey

 Aansoo Meri Aanhain
Chin Jye Gi Mujh Sey Meri

 Beykar Jawani
Shayad Meri Ulfat Ko Bohut Yaad

 Karo Gi
Apney Dil-E-Masoom Ko Nashad Karo

 Gi
Aao Gi Meri Gor Pey Tum Ashk

 Bahaney
Nokhez Baharon Key Haseen

 Phool Charhaney
Shayad Meri Turbat Ko Bhi

 Thukra Ker Chalo Gi
Shayad Meri Bey-Sood Wafaon Pey

 Hanso Gi
Is Waza Karam Ka Bhi Tumhain

 Paas Na Ho Ga
Lekin Dil-Nakam Ko Ehsas Na

 Ho Ga
Al-Qisa Mal Gham-E-Ulfat Pey

 Hanso Tum
Ya Ashk Bahati Ruho, Faryad Karo

 Tum
Maazi Pey Nadamat Ho Tumhain Ya

 Keh Musarat
Khamosh Para Soye Ga Damandah

 Ulfat

Read More

Kuch Ishq Kia Kuch Kaam Kia

وہ لوگ بڑے خوش قسمت تھے

جو عشق کو کام سمجھتے تھے

یا کام سے عاشقی کرتے تھے

ہم جیتے جی مصروف رھے

کچھ عشق کیا کچھ کام کیا

کام عشق کے آڑے آتا رھا

اور عشق سے کام الجھتا رھا

پھر آخر تنگ آ کر ہم نے

دونوں کو ادھورا چھوڑ دیا

Wo log bare khush qismat the

jo ishq ko kaam samjhte the

ya kaam se aashiqee karte the

hum jeete ji masroof rahe

kuch ishq kia kuch kaam kia

kaam ishq ke aare aata raha

aur ishq se kaam ulajhta raha

phir aakhir tang aa kar hum ne

donon ko adhoora chor dia

Read More

Hum Musafir Youn He Masroof-e-Safar Jayen Ge

ہم مسافر یونہی مصروفِ سفر جائیں‌ گے
بے نشاں ہو گئے جب شہر تو گھر جائیں گے

کس قدر ہو گا یہـاں مہـر و وفـا کا ماتـم
ہم تری یاد سے جس روز اُتر جائیں گے

جوہری بند کئے جاتے ہیں بازارِ سخن
ہم کسے بیچنے الماس و گُہر جائیں گے

نعمتِ زیست کا یہ قـرض چُکے گا کیسے
لاکھ گھبرا کے یہ کہتے رہیں، مر جائیں ‌گے

شاید اپنا بھی کوئی بیت حُدی خواں بن کر
ساتھ جائـے گا، مـرے یار جدھـر جائیں گے

فیض آتے ہیں رہِ عشق میں جو سخت مقام
آنے والوں سے کہـو ہـم تو گـزر جائیں گے

فیض احمد فیض

Read More

Dasht-e-Tanhai Mein Aye Jaan-e-Jahan Larzan Hain

یاد

دشتِ تنہائی میں، اے جانِ جہاں، لرزاں ہیں
تیری آواز کے سائے تیرے ہونٹوں کے سَراب
دشتِ تنہائی میں، دُوری کے خس و خاک تلے
کِھل رہے ہیں، تیرے پہلُو کے سمن اور گلاب
اُٹھ رہی ہے کہیں قُربت سے تیری سانس کی آنچ
اپنی خُوشبو میں سُلگتی ہوئی مدھم مدھم
دُور اُفق پار، چمکتی ہوئی قطرہ قطرہ
گِر رہی ہے تیری دلدار نظر کی شبنم
اس قدر پیار سے، اے جانِ جہاں، رکھا ہے
دل کے رُخسار پہ اس وقت تیری یاد نے ہاتھ
یُوں گُماں ہوتا ہے، گرچہ ہے ابھی صبحِ فراق
ڈھل گیا ہِجر کا دن، آ بھی گئی وصل کی رات

فيض احمد فيض

Read More

Teri Umeed Tera Intezar Jab Se Hai

تری اُمید ترا انتظار جب سے ہے
نہ شب کو دن سے شکایت ، نہ دن کو شب سے ہے

کسی کا درد ہو کرتے ہیں تیرے نام رقم
گِلہ ہے جو بھی کسی سے ترے سبب سے ہے

ہُوا ہے جب سے دلِ ناصبُور بے قابو
کلام تجھ سے نظر کو بڑے ادب سے ہے

اگر شررِ ہے تو بھڑکے ، جو پھول ہے تو کِھلے
طرح طرح کی طلب ، تیرے رنگِ لب سے ہے

کہاں گئے شبِ فرقت کے جاگنے والے
ستارۂ سحری ہم کلام کب سے ہے

(فیض احمد فیض)

Teri Umeed Tera Intezaar Jab Se Hai,
Na Shab Ko Dinse Shikayat Na Dinko Shab Se Hai,
Kisika Dard Ho Karte Hai Tere Naam RaQam,
Gila Hai Jo Bhi Kisi Se Teri Sabab Se Hai,
Hua Hai Jab Se Dil-E-Naasabur BeQabu,
Kalam Tujhse Nazar Ko Badi Adab Se Hai,
Agar Sharar Hai To Bhadke Jo Phool Hai To Khile,
Tarah Tarah Ki Talab Tere Rang-E-Lab Se Hai,
Kahan Gaye Shab-E-FurQat Ke Jaagne Wale,
Sitara-E-Seher Hum-Kalaam Kab Se Hai...

Read More

Hum ke Thehre Ajnabi Itni Madaraton ke Bad

ہم کہ ٹھہرے اجنبی اتنی مداراتوں کے بعد
پھر بنیں گے آشنا ۔۔ کتنی ملاقاتوں کے بعد

کب نظر میں آئے گی ۔۔۔۔۔۔۔ بے داغ سبزے کی بہار
خون کے دھبے دھلیں گے کتنی برساتوں کے بعد

تھے بہت بے درد لمحے ۔۔۔۔۔ختمِ درد عشق کے
تھیں بہت بے مہر صبحیں مہرباں راتوں کے بعد

دل تو چاہا پر شکستِ دل نے مہلت ہی نہ دی
کچھ گلے شکوے بھی کر لیتے مناجاتوں کے بعد

ان سے جو کہنے گئے تھے فیض جاں صدقہ کیئے
ان کہی ہی رہ گئی وہ بات ۔۔۔۔۔ سب باتوں کے بعد

...................................

Ham k thehray ajnabi, itni madaraaton k baad
Phir banain gay aashna, kitni mulaqaton k baad

Kab nazar mein aaye gi, bedaagh sabzay ki bahaar
Khoon k dhabay dhulain gay, kitni barsaaton k baad

Thay bohot bedard lamhay, khatm-e-dard-e-ishq k
Theen bohot be-mehr subhain, mehrbaan raaton k baad 

Dil tou chaha, par shikast-e-dil ne mohlat he na di
Kuch gillay shikway he kar laitay, munajaaton k baad

Unn se jo kehnay gaye thay, Faiz jaan sadqa kiye
Unkahi he reh gayi wo baat sab baaton k baad 

Read More

Aaj Shab Dil ke Qareen Koi Nahi Hai

:::: آج شب کوئی نہیں ہے ::::

آج شب دل کے قریں کوئی نہیں ہے
آنکھ سے دور طلسمات کے در وا ہیں کئی
خواب در خواب محلّات کے در وا ہیں کئی
اور مکیں کوئی نہیں ہے،
آج شب دل کے قریں کوئی نہیں ہے
"کوئی نغمہ، کوئی خوشبو، کوئی کافر صورت"
کوئی امّید، کوئی آس مسافر صورت
کوئی غم، کوئی کسک، کوئی شک، کوئی یقیں
کوئی نہیں ہے
آج شب دل کے قریں کوئی نہیں ہے
تم اگر ہو، تو مرے پاس ہو یا دُور ہو تم
ہر گھڑی سایہ گرِ خاطرِ رنجور ہو تم
اور نہیں ہو تو کہیں۔۔ کوئی نہیں، کوئی نہیں ہے
آج شب دل کے قریں کوئی نہیں ہے

فیض احمد فیض

..................................

Aaj shab Dil ke Qareen koi nahi hai
Ankh se door talisman ke dar wa hain kaiye
Khwab dar khwab mahlaat ke dar wa hain kaiye
Aur makeen koi nahi hai

Aaj shab Dil ke Qareen koi nahi hai
“koi Naghma, koi khushboo, koi kafir surat”
Koi umeed koi aas musafir surat
Koi gham, koi kasak, koi shak, koi yaqeen
Koi nahi hai

Aaj Shab Dil ke Qareen koi nahi hai
Tum agar ho to mere pass ho ya door ho tum
Har ghari saiya gar khatir-e-ranjor ho tum
Aur nahi ho to kahen, koi nahi , koi nahi hai
Aaj shab Dil ke Qareen koi nahi 

Read More

Mujh Se Pehli Si Muhabbat

مجھ سے پہلی سی محبت مری محبوب نہ مانگ

میں نے سمجھا تھا کہ تو ہے تو درخشاں ہے حیات
تیرا غم ہے تو غمِ دہر کا جھگڑا کیا ہے
تیری صورت سے ہے عالم میں بہاروں کو ثبات
تیری آنکھوں کے سوا دنیا میں رکھا کیا ہے؟
تو جو مل جائے تو تقدیر نگوں ہو جائے
یوں نہ تھا، میں نے فقط چاہا تھا یوں ہو جائے
اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا

ان گنت صدیوں کے تاریک بہیمانہ طلسم
ریشم و اطلس و کمخاب میں بنوائے ہوئے
جابجا بکتے ہوئے کوچہ و بازار میں جسم
خاک میں لتھڑے ہوئے خون میں نہلائے ہوئے

لوٹ جاتی ہے ادھر کو بھی نظر کیا کیجے
اب بھی دلکش ہے ترا حسن مگر کیا کیجے
اور بھی دکھ ہیں زمانے میں میں محبت کے سوا
راحتیں او ربھی ہیں وصل کی راحت کے سوا

مجھ سے پہلی سے محبت مری محبوب نہ مانگ

......................................................

Mujhe Se Pehli Si Mohabbat

-

Maine samjha tha ke tu hai to darakhshaan hai hayyaat
Tera gham hai to sham-e-dahar ka jhagra kya hai
Teri soorat se hai aalam mein baharon ko sabaat
Teri aankhon ke siwa dunya mein rakha kya hai

To jo mil jaye to taqdeer nigoon ho jaye
Yun na tha maine faqat chaha tha yun ho jaye
Aur bhi dukh hain zamane mein mohabbat ke siwa
Rahatein aur bhi hain wasl ki raahat ke siwa

Angeenat sadiyon ke taariq bahimanaa talism
Resham-o-atlas-o-kamKhwaab mein bunwaye hue
Jaa-ba-jaa biktey hue koochaa-o-bazaar mein jism
Khaak mein litharey hue, khoon mein nehlaaye hue

Jism nikaley hue amraaz ke tannuuron se
Peep behti hui jaltey hue naasuuron se
Laut jaati hai udhar ko bhi nazar kya ki jiye
Ab bhi dilkash hai tera husn mager kya ki jiye

Aur bhi dukh hain mohabbat ke dukh ke siwa
Rahatein aur bhi hain wasl ki raahat ke siwa

Mujhse pehli si mohabbat mere mehboob na maang 

Read More

Bol Ke Lab Aazaad Hain Tere

بول کہ لب آزاد ہیں تیرے

بول، زباں اب تک تیری ہے

تیرا ستواں جسم ہے تیرا

بول کہ جاں اب تک تیری ہے

دیکھ کے آہن گر کی دکاں میں

تند ہے شعل، سرخ ہے آہن

کھلنے لگے قفلوں کے دہانے

پھیلا ہر اک زنجیر کا دامن

بول، یہ تھوڑا وقت بہت ہے

جسم و زباں کی موت سے پہلے

بول کہ سچ زندہ ہے اب تک

بول، جو کچھ کہنا ہے کہہ لے!

Read More

Gar Jeet Gaye To Kia Kehne,Haare Bhi To Baazi Maat Nahi

کب یاد میں تیرا ساتھ نہیں، کب بات میں تیری بات نہیں
صد شکر کہ اپنی راتوں میں اب ہجر کی کوئی رات نہیں

مشکل ہے اگر حالات وہاں، دل بیچ آئیں جاں دے آئیں
دل والو کوچۂ جاناں میں‌کیا ایسے بھی حالات نہیں

جس دھج سے کوئی مقتل میں گیا، وہ شان سلامت رہتی ہے
یہ جان تو آنی جانی ہے ، اس جاں کی تو کوئی بات نہیں

میدانِ وفا دربار نہیں یاں‌ نام و نسب کی پوچھ کہاں
عاشق تو کسی کا نام نہیں، کچھ عشق کسی کی ذات نہیں

گر بازی عشق کی بازی ہے جو چاہو لگا دو ڈر کیسا
گر جیت گئے تو کیا کہنا، ہارے بھی تو بازی مات نہیں

Read More

Na Qurb Ke Na Wafa ke Hotey Hain,,,

نہ قرب نہ وفا کے ہوتے ہیں

نہ قرب نہ وفا کے ہوتے ہیں
سارےجھگڑےاناکےہوتےہیں

بات نیت کی صرف ہے ورنہ
وقت سارےدعاکےہوتےہیں

بھول جاتےہیںمت براکہنا
لوگ پتلےخطاکےہوتےہیں

وہ بظاہرتوکچھ نہیںلگتے
ان سےرشتےبلاکےہوتےہیں

وہ ہماراہےاس طرح سےفیض
جیسےبندےخداکےہوتےہیں

Read More

Tere Honthon K Phoolon Ki Chahat Mein Hum

تیرے ہونٹوں کے پھولوں کی چاہت میں ھم
دار کی خشک ٹہنی پہ وارے گئے
تیرے ہاتوں کی شمعوں کی حسرت میں ہم
نیم تاریک راہوں میں مارے گئے

سولیوں پر ہمارے لبوں سے پرے
تیرے ہونٹوں کی لالی لپکتی رہی
تیری زلفوں کی مستی برستی رہی
تیرے ہاتوں کی چاندی دمکتی رہی

جب کھلی تیری راہوں میں شام ستم
ہم چلے آئے؛ لائے جہاں تک قدم
لب پہ حرف غزل؛ دل میں قندیل غم
اپنا غم تھا گواہی تیرے حسن کی
دیکھ قائم رہے اس گواہی پہ ہم
ہم جو تاریک راہوں میں مارے گئے

نار سائی اگر اپنی تقدیر تھی ،
تیری الفت تو اپنی تدبیر تھی
کس کو گلہ ہے گر شوق کے سلسلے
ھجر کی قتل گاہوں سے سب جا ملے

قتل گاہوں سے چن کر ہمارے علم
اور نکلیں گئے عشاق کے قافلے
جن کی راہ طلب سےہمارے قدم
مختصر کر چلے دور کے فاصلے
کر چلے جن کی خاطر جہاں گیر ہم
جان گنوا کر تیری دلبری کا بھرم
ہم جو تاریک راہوں میں مارے گئے

Read More

Punjabi Kalaam of Faiz Ahmed Faiz

فیض احمد فیض کا پنجابی کلام

کدھرے نہ پیندیاں دسّاں
وے پردیسیا تیریاں
کاگ اُڈاواں، شگن مناواں
وگدی وا دے ترلے پاواں
تری یاد پوے تے روواں
ترا ذکر کراں تاں ہسّاں
کدھرے نہ پیندیاں دسّاں
وے پردیسیا تیریاں

درد نہ دسّاں گُھلدی جاواں
راز نہ کھولاں مُکدی جاواں
کس نوں دل دے داغ وِکھاواں
کس در اَگّے جھولی ڈھاواں
وے میں کس دا دامن کھسّاں
کدھرے نہ پیندیاں دسّاں
وے پردیسیا تیریاں

شام اُڈیکاں، فجر اُڈیکاں
آکھیں تے ساری عمر اُڈیکاں
آنڈ گوانڈی دیوے بلدے
ربّا ساڈا چانن گَھلدے
جگ وَسدائے میں وی وَسّاں
کدھرے نہ پیندیاں دسّاں
کدھرے نہ پیندیاں دسّاں
وے پردیسیا تیریاں

Read More

Jo Koo e Yaar Se Nikley To Soo e Daar Chale

گلوں میں رنگ بھرے بادِ نو بہار چلے
چلے بھی آؤ کہ گلشن کا کاروبار چلے

قفس اداس ہے یارو صبا سے کچھ تو کہو
کہیں تو بہرِ خدا آج ذکرِ یار چلے

کبھی تو صبح ترے کنجِ لب سے ہو آغاز
کبھی تو شب سرِ کاکل سے مشکبار چلے

بڑا ہے درد کا رشتہ، یہ دل غریب سہی
تمہارے نام پہ آئیں گے غمگسار چلے

جو ہم پہ گزری سو گزری مگر شبِ ہجراں
ہمارے اشک تری عاقبت سنوار چلے

حضورِ ‌یار ہوئی دفترِ جنوں کی طلب
گرہ میں لے کے گریباں کا تار تار چلے

مقام،فیض ، کوئی راہ میں جچا ہی نہیں
جو کوئے یار سے نکلے تو سوئے دار چلے

فیض احمد فیض

Read More

Raaz -e- Ulfat Chupa Kay Dekh Liya

رازِ الفت چھپا کے دیکھ لیا

رازِ الفت چھپا کے دیکھ لیا
دل بہت کچھ جلا کے دیکھ لیا

اور کیا دیکھنے کو باقی ہے
آپ سے دل لگا کے دیکھ لیا

وہ مرے ہو کے بھی مرے نہ ہوئے
ان کو اپنا بنا کے دیکھ لیا

آج ان کی نظر میں کچھ ہم نے
سب کی نظریں بچا کے دیکھ لیا

فیض تکمیلِ غم بھی ہو نہ سکی
عشق کو آزما کے دیکھ لیا

Read More

Bahaar Ayi To Jaise Ik Baar

 بہار آئی تو جیسے اِک بار                                
لوٹ آئے ہیں پھر عدم سے                               
وہ خواب سارے، شباب سارے                          
جو تیرے ہونٹوں پہ مر مٹے تھے                      
جو مٹ کہ ہر بار پھر جئے تھے                       
نکھر گئے ہیں گلاب سارے                             
جو تیری یادوں سے مشکبو ہیں                         
جو تیرے عشاق کا لہو ہیں                               

اُبل پڑے ہیں عذاب سارے                              
ملالِ احوالِ دوستاں بھی                                 
خمارِ آغوشِ مہوشاں بھی                                
غبارِ خاطر کے باب سارے                             
تیرے ہمارے                                          
سوال سارے، جواب سارے                              
بہار آئی تو کُھل گئے ہیں                                 
نئے سرے سے حساب سارے۔                          

فیض احمد فیض

Read More

تیرے غم کو جاں کی تلاش تھی‎ ‎تیرے جاں نثار چلے گئے

تیرے غم کو جاں کی تلاش تھی‎ ‎تیرے جاں نثار چلے گئے

تیرے غم کو جاں کی تلاش تھی‎ ‎تیرے جاں نثار چلے گئے

تیری راہ میں کرتے تھے سر طلب، سرِ راہ گزار چلے گئے

تیری کج ادائی سے ہار کے شبِ انتظار چلی گئی

میرے ضبطِ حال سے روٹھ کر میرے غم گسار چلے گئے

نہ سوالِ وصل، نہ عرضِ غم، نہ حکائیتں نہ شکا یتیں

تیرے عہد میں دلِ زار کے سبھی اختیار چلے گئے

نہ رہا جنونِ وفا، یہ رسن یہ دار کرو گے کیا

جنھیں جرمِ عشق پہ ناز تھا وہ گناہ گار چلے گئے

یہ ہمیں تھے جن کے لباس پر سرِ رہ سیاہی لکھی گئی

‎... یہی داغ تھے جو سجا کے ہم سرَِ بزم ِ یار چلے گئے!‎

فیض احمد فیض

Read More

خدا وہ وقت نہ لائے کہ سوگوار ہو تو

‎... ‎خدا وہ وقت نہ لائے کہ سوگوار ہو تو 

سکوں کی نیند تجھے بھی حرام ہوجائے

تری مسرتِ پیہم تمام ہو جائے

تری حیات تجھے تلخ جام ہوجائے

غموں سے آئینہء دل گداز ہو تیرا

ہجومِ یاس سے بے تاب ہوکے رہ جائے

وفورِ درد سے سیماب ہو کے رہ جائے

ترا شباب فقط خواب ہو کے رہ جائے

غرورِ حسن سراپا نیاز ہو تیرا

طویل راتوں میں تو بھی قرار کو ترسے

تری نگاہ کسی غمگسار کو ترسے

خزاں رسیدہ تمنا بہار کو ترسے

کوئی جبیں نہ ترے سنتِ آستاں پہ جھکے

کہ جنسِ عز و عقیدت سے تجھ کو شاد کرے

فریبِ وعدہء فردا پہ اعتماد کرے

خدا وہ وقت نہ لائے کہ تجھ کو یاد کرے

وہ دل کہ تیرے لئے بےقرار اب بھی ہے

‎... وہ آنکھ جس کو ترے انتظار اب بھی ہے ‎

فیض احمد فیض

Read More