Eik Kahani Sabhi Nay Sunai Magar Chand Khamosh Tha

اک کہانی سبھی نے سنائی مگر ، چاند خاموش تھا
اس کی آواز کا منتظر تھا نگر ، چاند خاموش تھا 

کون تھا جس کی آہوں کے غم میں ہوا سرد تھی شہر کی
کس کی ویران آنکھوں کا لے کے اثر، چاند خاموش تھا

وہ جو سہتا رہا رت جگوں کی سزا چاند کی چاہ میں
مرگیا تو نوحہ کناں تھے شجر، چاند خاموش تھا

اس سے مل کے میں یوں خامشی اور آواز میں قید تھا
اک صدا تو مرے ساتھ تھی ہم سفر ، چاند خاموش تھا 

کل کہیں پھر خدا کی زمیں پر کوئی سانحہ ہوگیا
میں نے کل رات جب بھی اٹھائی نظر ، چاند خاموش تھا 

Eik Kahani Sabhi Nay Sunai Magar Chand Khamosh Tha
Us Ki Awaz Ka Muntazir Tah Magar Chand Khamosh Tha

Kon Tha Jis Ki Aahon K Gham Main Hawa Sard The Shahar Ki
Kis Ki Veeran Aankhon Kalay K Asar Chand Khamosh Tha

Wo Jo Sehta Rah Rat Jagon Ki Saza Chand Ki Chah Main
Mar Gaya Jab Tu Noha Kina Thay Shajar Chand Khamosh Tha

Us Say Mil K Main Youn Khamishi Or Awaz Main Qiad Tha
Eik Sada Tu Meray Sath Thee Hum Safar Chand Khamosh Tha

Kal Kahin Phir Khuda Ki Zameen Per Koi Saniha Hogaya
Main Nay Kal Raat Jab Bhi Uthai Nazar Chand Khamos Tha 

Read More

Tum Jo Hote To Humein Kitna Sahara Hota

تم جو ہوتے تو ہمیں کتنا سہارا ہوتا
ہم نے اوروں کو نہ یوں دکھ میں پکارا ہوتا

 
جتنی شدت سے میں وابستہ تھا تم سے فرحت
کس طرح میرا ترے بعد گزارا ہوتا

 
مجھ کو یہ سوچ ہی کافی ہے جلانے کے لئے
میں نہ ہوتا تو کوئی اور تمہارا ہوتا

اور ہم بیٹھ کے خاموشی سے روئے جاتے
شام ہوتی کسی دریا کا کنارا ہوتا

دل سے دیکھی نہیں جاتی تھی خاموشی گھر کی
کس طرح اجڑا ہوا شہر گوارا ہوتا

تو نے سوچا ہے کبھی کتنا محبت کے بغیر
روح فرسا دلِ ویراں کا نظارا ہوتا

Tum jo hote to humein kitna sahara hota

humne oron ko na youn dukh mein pukara hota

jitni shiddat se main wabasta tha tumse farhat

kis trah mera tere bad guzara hota

mujhko ye soch he kafi hai jalane ke liye

main na hota to koi or tumhara hota

or hum baith ke khamoshi se roye jate

shaam hoti kisi darya ka kinara hota

dil se dekhi nahi jati thi khamoshi ghar ki

kis trah ujra hua shehr gawara hota

tu ne socha hai kabhi kitna muhabbat ke baghair

rooh farsa dil e weeran ka nizara hota...

Read More

Mujhe Tum Yaad Aate Ho

مجھے تم یاد آتے ہو
کسی سنسان سپنے میں چھپی خواہش کی حدت میں
کسی مصروفیت کے موڑ پر
تنہائی کے صحراؤں میں
یا پھر کسی انجان بیماری کی شدت میں
مجھے تم یاد آتے ہو
کسی بچھڑے ہوئے کی چشم پرنم کے نظارے پر
کسی بیتے ہوئے دن کی تھکن کی اوٹ سے
یا پھر تمھارے ذکر میں گزری ہوئی شب کے اشارے پر
کسی بستی کی با رونق سڑک پر
اور کسی دریا، کسی ویران جنگل کے کنارے پر
مجھے تم یاد آتے ہو
میری چپ کے کنویں میں
آرزوؤں کے بدن جب تیرتے ہیں
اور کنارے سے کوئی بولے
تو لگتا ہے اجل آواز دیتی ہے
میری بے چینیوں میں جب تمھاری تند خو بخشش کھٹکتی ہے
تمھاری بے سبب دوری سلگتی ہے
یا پھر جب بھی میری آنکھوں کے صحرا میں
تمھاری یاد کی تصویر جلتی ہے، جدائی ہاتھ ملتی ہے
مجھے تم یاد آتے ہو
مجھے تم یاد آتے ہو
مقدر کے ستاروں پر
زمانوں کے اشاروں پر
اداسی کے کناروں پر
کبھی ویران شہروں میں
کبھی سنسان رستوں پر
کبھی حیران آنکھوں میں
کبھی بے جان لمحوں پر
مجھے تم یاد آتے ہو
سہانی شام ہو کوئی
کہیں بدنام ہو کوئی
بھلے گل فام ہو کوئی
کسی کے نام ہو کوئی
مجھے تم یاد آتے ہو
کہیں بارش برس جائے
کہیں صحرا ترس جائے
کہیں کالی گھٹا اترے
کہیں باد صبا ٹھہرے
تمھارے اور میرے درمیاں آ کر خدا ٹھہرے
تو میری زندگی کے اول و آخر
تم اس لمحے
خدا کے بعد آتے ہو
مجھے تم یاد آتے ہو

........................

Mujhe Tum Yaad Aate Ho

Kisi Sunsaan Sapnay main chupi khuahish ki hiddat main

Kisi masrofiyat ke moor per

Tanhai ke sehraon main ya phir

Kisi anjaan biimari ki shiddat main

Mujhe Tum Yaad Aate Ho

Kisi bicchre hoe ki chasm.e.nam ke nazare per

Kisi Beete Hoe Din ki thakan ki oat se

Ya phir tumhare zikker main guzri hoi shab ke ishare per

kisi basti ki ba.ronoq sarak per

Aur kisi dariya, kisi veeran jungle ke kinare per

Mujhe Tum Yaad Aate Ho

Meri Chup ke kuei'n main

Aarzo'un ke badan jab tairte hain

Aur kinaare se koi bole

To lagta hay ajal aavaz deti hai

Meri becheiniyon main jab tumharai tundkhor ranjish khatakti hai

Tumhari bedardi sullagti hai

Ya phir jab meri ankhon ke sehra main

Tumhari yaad ki tasveer jalti hai, judai aankh malti hai

Mujhe tum yaaad ate ho

Mujhe Tum yaad ate ho

Muqaddar ke sitaron per

Zamanoun ke ishaaron per

Udasi ke kinaaron per

Kabhi veeran shehron main

Kabhi sunsaan rastoun per

Kabhi Hairaan aankhon main

Kabhi be.jaan lamhon per

Mujhe Tum yaad Aate ho

Suhaani shaam ho koi

Khain badnaam ho koi bhale gulfam koi

Kisi ke naam ho koi

Mujhe Tum Yaad Aate Ho

Kahin Barish Baras Jae

Kahin Sehra taras jae

Kahin kali khata uter jae

Kahin Baad.e.saba Tehre

Mujhe Tum Yaad Aate Ho

Tumhare aur mere darmiyan aa ker KHUDA thehre

To meri zindagi ke awal o Aakhir

Tum is Lamhe

KHUDA ke bad aate ho

Mujhe Tum Yad Ate Ho

Read More

Dekh Lena Ke Kisi Dukh ki Kahani To Nahi

دیکھ لینا کہ کسی دُکھ کی کہانی تو نہیں
یہ جو آنسو ہیں، کہیں اُس کی نشانی تو نہیں

دِکھ رہی ہے جو مُجھے صاف تیری آنکھوں میں
تُو نے یہ بات کہیں مُجھ سے چُھپانی تو نہیں

جانتا ہوں کہ سرابوں میں گھرا ہوں یارو
دوڑ پڑتا ہوں مگر پھر بھی کہ پانی تو نہیں

جس طرح شہر سے نکلا ہوں میں بیمار ترا
یہ اُجڑنا ہے، کوئی نقل مکانی تو نہیں

اُس نے چاہا ہے مُجھے اپنے خُدا سے بڑھ کر
میں نے یہ بات زمانے کو بتانی تو نہیں

یہ جو ہر موڑ پہ آ ملتی ہے مُجھ سے فرحت
بدنصیبی بھی کہیں میری دیوانی تو نہیں

فرحت عباس شاہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Dekh lena k kisi dukh ki kahani to nahi
Yeh jo aansuu hain kahin us ki nishani to nahin,

Dikh rahi hai jo mujhe saaf teri aankhon mein,
Tu ne yeh baat kahin mujhse chupaani to nahin,

Jaanta hun ke sarabon mein ghira hun yaro,
Dorh parta hun mager phir bhi k pani ti nahi,

Jis tarah sheher se nikla hoon mein beemar tera,..
Yeh ujarrna hai koi nakal- makaani to nahin,.

Uss ne chaha hai mujhe apne Khuda se barh kar
Maine ye baat zamane ko btani to nahi,
  
Yeh jo har morr pe aa milti hai mujhse farhat,
Badnaseebi bhi kahin meri deewani to nahin

 

Read More

Dukh ki Rodad Sunao Gey Kissey...

دکھ کی روداد سناؤ گے کسے

دکھ کی روداد سناؤ گے کسے
تم میرے بعد رلاؤ گے کسے

اس لیے یاد رہا ہوں تجھ کو
میں نہ ہوں گا تو بھلاؤ گے کسے

جب چلا جاؤں گا میں دور کہیں
بات بے بات ستاؤ گے کسے

بارشیں آ گئیں تنہا لوگوں
کس سے روٹھو گے مناؤ گے کسے

کس سے پوچھو گے محبت کا پتھ
روح کے زخم دکھاؤ گے کسے

دل اسے سونپ رہے ہو فرحت
دل نہ ہو گا تو جلاؤ گے کسے

Read More

Muhabbat Khoobsoorat Hai

محبت میں
اگرچہ دل کی آنکھیں مدتوں پلکیں جھپکنا بھول جاتی ہیں
مگر ان رتجگوں کے سرخ ڈورے نیل گوں سنولاہٹیں
اور ابراؤں کی رازداری بھی
عجب اِک حسن پیدا کرتی ہیں
محبت میں
اگرچہ دھڑکنیں اپنا چلن تک چھوڑ جاتی ہیں
مگر سنگیت ایسی دھڑکنوں کی تھاپ اور سرگم کو ترستی ہیں
محبت میں
اگرچہ بے کلی
دل کو بہت تڑپائے رکھتی ہے
مگر دل کی تڑپ ہی زندگی کو پتھروں کی زندگی سے
مختلف بناتی ہے دنیا میں
محبت میں
اگر چہ آنکھ سے اوجھل ہوئی

لگتی ہے
دنیا اِک محبت سوا
لیکن بصیرت کی کئی بینائیاں اور کھڑکیاں کھلی چلی جاتی ہیں
باطن میں
محبت میں
اگرچہ آنسوؤں کع سرخ ہوتے پل نہیں لگتا
مگر یہ سرخیاں کتنے گلستاں چاند تارے
اور زمیں آسمان
رنگیں کرتی ہیں
محبت میں
جدائی دھوپ کے آنگن میں پلتی ہے
اگرچہ پھر بھی ساری عمر خوابوں اور دعاؤں سے کبھی ٹھنڈک نہیں جاتی
مجھے معلوم ہے کے تم محبت کے مخالف ہو
مگر جاناں ---
دلیلیں تو دلیلیں‌ ہیں
محبت ان دلیلوں کی کہاں محتاج ہے
محبت خوبصورت ہے

فرحت عباس شاہ

Read More

Udaas Shaamein,Ujaarh Rastay Kbhi Bulayen To Laut Aana

     اداس شامیں، اجاڑ رستے کبھی بلائیں تو لوٹ آنا
     کسی کی آنکھوں میں رتجگوں کے عذاب آئیں تو لوٹ آنا

    ابھی نئی وادیوں ، نئے منظروں میں رہ لو مگر میری جاں
    یہ سارے اک ایک کرکے جب تم کو چھوڑ جائیں تو لوٹ آنا

    نئے زمانوں کا کرب اوڑھے ضعیف لمحے نڈھال یادیں
    تمہارے خوابوں کے بند کمروں میں لوٹ آئیں تو لوٹ آنا

  اگر اندھیروں میں چھوڑ کر تم کو بھول جائیں تمہارے ساتھی
   اور اپنی خاطر ھی اپنے اپنے دئیے جلائیں تو لوٹ انا

    مری وہ باتیں تو جن پہ بے اختیار ھنستا تھا کھلکھلا کر
    بچھڑنے والے مری وہ باتیں کبھی رلائیں تو لوٹ آنا

                                    فرحت عباس شاہ

Read More