Kuch Is Adaa Se Aaj Woh Pehlu Nasheen Rahe

کچھ اس ادا سے آج وہ پہلو نشیں رہے
جب تک ہمارے پاس رہے، ہم نہیں رہے

یارب! کسی کے رازِ محبت کی خیر ہو
دستِ جنوں رہے نہ رہے، آستیں رہے

دردِ غمِ فراق کے ۔۔۔۔۔۔۔۔۔۔۔۔۔۔۔ یہ سخت مرحلے
حیراں ہوں میں کہ پھر بھی تم، اِتنے حسیں رہے

جا! اور کوئی ضبط کی دُنیا تلاش کر
اے عشق! ہم تو اب تیرے قابل نہیں رہے

اللہ رے چشمِ یار کی مُعجِز بیانیاں
ہر اِک کو ہے گماں کہ مخاطب ہمِیں رہے

اِس عشق کی تلافیئ مافات دیکھنا
رونے کی حسرتیں ہیں جب آنسو نہیں رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

kuch is ada se aaj wo pehlu-nasheen rahe..
jab tak hamare paas rahe..hum nahin rahe..

ya rab kisi k raaz-e-muhabbat ki khair ho..
dast-e-junoon rahe na rahe.. aasteein rahe...

dard-e-gamein firaq k ye sakht marhale..
hairan hun main ki phir bhi tum itne haseen rahe...

ja aur koi zakht ki duniya talaash kar....
ai ishq hum to ab tere ...quabil nahin rahe..

ALLAH re chasm-e-yaar ki mojis bayaniyaan..
har ek ko hai gumaan ki makhatib humeein rahe...

is ishq ki talaaf ye maafat dekhna...
rone ki hasrateein hain jab aansu nahin rahe... 

Read More

یہ ہے میکدہ یہاں رند ہيں یہاں سب کا ساقی امام ہے

                 یہ ہے میکدہ یہاں رند ہيں یہاں سب کا ساقی امام ہے

یہ ہے میکدہ یہاں رند ہيں یہاں سب کا ساقی امام ہے

یہ حرم نہیں ہے اے شيخ جی ،یہاں پارسائی حرام ہے

جو ذرا سی پی کے بہک گیا اسے میکدے سے نکال دو

یہاں تنگ نظر کا گزر نہیں یہاں اہل ظرف کا کام ہے

کوئی مست ہے کوئی تشنہ لب تو کسی کے ہاتھ میں جام ہے

مگر اس پہ کوئی کرے بھی کیا یہ تو میکدے کا نظام ہے

یہ جناب شیخ کا فلسفہ ہے عجیب سارے جہان سے

جو وہاں پیو تو حلال ہے جو یہاں پیو تو حرام ہے

اس کائنات میں اے جگر کوئی انقلاب اٹھے گا پھر

کہ بلند ہو کے آدمی ابھی خواہشوں کا غلام ہے

جگر مراد آبادی

Read More

ہر سُو دِکھائی دیتے ہیں وہ جلوہ گر مجھے

                                        ہر سُو دِکھائی دیتے ہیں وہ جلوہ گر مجھے

ہر سُو دِکھائی دیتے ہیں وہ جلوہ گر مجھے

کیا کیا فریب دیتی ہے میری نظر مجھے

آیا نہ راس نالۂ دل کا اثر مجھے

اب تم ملے تو کچھ نہیں اپنی خبر مجھے

ڈالا ہے بیخودی نے عجب راہ پر مجھے

آنکھیں ہیں اور کچھ نہیں آتا نظر مجھے

کرنا ہے آج حضرتِ ناصح کا سامنا

مل جائے دو گھڑی کو تمہاری نظر مجھے

یکساں ہے حُسن و عشق کی سرمستیوں کارنگ

اُن کی خبر نہیں ہے نہ اپنی خبر مجھے

میں دُور ہوں تو روحِ سخن مجھ سے کس لیے

تم پاس ہو تو کیوں نہیں آتا نظر مجھے

دل لے کے میرا دیتے ہو داغِ جگر مجھے

یہ بات بھولنے کی نہیں عمر بھر مجھے

جگر مراد آبادی

Read More

Tujhe Se Ibteda Hai...

                تجھی سے ابتدا ہے، تو ہی اک دن انتہا ہوگا

تجھی سے ابتدا ہے، تو ہی اک دن انتہا ہوگا

صدائے ساز ہوگی اور نہ ساز بے صدا ہوگا

ہمیں‌ معلوم ہے، ہم سے سنو محشر میں‌کیا ہوگا

سب اس کو دیکھتے ہوں‌گے، وہ ہم کو دیکھتا ہوگا

سرمحشر ہم ایسے عاصیوں کا اور کیا ہوگا

درِجنت نہ وا ہوگا، درِ رحمت تو وا ہوگا

جہنم ہو کہ جنت ، جو بھی ہوگا فیصلہ ہوگا

یہ کیا کم ہے ہمارا اور اُن کا سامنا ہوگا

ازل ہو یا ابد دونوں اسیر زلف حضرت ہیں

جدھر نظریں‌اُٹھاؤ گے، یہی اک سلسلہ ہوگا

یہ نسبت عشق کی بے رنگ لائے رہ نہیں‌سکتی

جو محبوب خدا ہوگا، وہ محبوبِ خدا ہوگا

اسی امید پر ہم طالبان درد جیتے ہیں

خوشا دردے کہ تیرا درد، در د ِ لا دوا ہوگا

نگاہِ قہر پر بھی جان و دل سب کھوئے بیٹھا ہے

نگاہِ مہر ِ عاشق پر اگر ہوگی تو کیا ہوگا

یہ مانا بھیج دے گا ہم کو محشر سے جہنم میں

مگر جو دل پہ گذرے گی، وہ دل ہی جانتا ہوگا

سمجھتا کیا ہے تو دیوانگاہِ عشق کو زاہد؟

یہ ہو جائیں گی جس جانب، اسی جانب خدا ہوگا

جگر کا ہاتھ ہوگا حشر میں اور دامنِ حضرت

شکایت ہوگا، شکوہ جو بھی ہوگا، برملا ہوگا ...

جگر مراد آبادی

Read More