Bechain Bahut Phirna Ghabraye Hue Rehna,

بے چین بہت پھرنا گھبرائے ہوئے رہنا
اِک آگ سی جذبوں کی دہکائے ہوئے رہنا

چھلکائے ہوئے چلنا خوشبو لبِ لعلیں کی
اک باغ سا ساتھ اپنے مہکائے ہوئے رہنا

اس حسن کا شیوہ ہے جب عشق نظر آئے
پردے میں چلے جانا، شرمائے ہوئے رہنا

اک شام سی کر رکھنا کاجل کے کرشمے سے
اک چاند سا آنکھوں میں چمکائے ہوئے رہنا

عادت ہی بنا لی ہے تم نے تو منیر اپنی
جس شہر میں بھی رہنا اکتائے ہوئے رہنا

Bechain Bahut Phirna Ghabraye Hue Rehna, 

Ek Aag Si Jazbon Ki Behki Hui Rehna, 

Chhalkaye Hue Chalna Khusbu-E-Begani Ki, 

Ek Baag Sa Tha Apna Mehakaye Hue Rehna, 

Is Husn Ka Shevaa Hai, Jab Ishq Nazar Aaye,

Parde Mein Chale Jaana, Sharmaye Hue Rehna, 

Ek Shaam Si Kar Rakhna Kaajal Ke Karishme Se, 

Ek Chand Sa Aankhon Me Chamkaye Hue Rehna, 

Aadat Hi Bana Li Hai Tumne To Munir Apni, 

Jis Shaher Mein Bhi Rehna Uktaye Hue Rehna...

Read More

kitaab-e-Umr Ka Ek Aur Baab Khatam Hua

کتاب عمر کا ایک اور باب ختم ہوا
شباب ختم ہوا اک عذاب ختم ہوا

ہوئی نجات سفر میں فریب صحرا سے
سراب ختم ہوا اضطراب ختم ہوا

برس کے کھل گیا بادل ہوائے شب کی طرح
فلک پہ برق کا وہ بیچ و تاب ختم ہوا

جو اب دہ نہ رہا میں کسی کے آگے منیر
وہ اک سوال اور اس کا جواب ختم ہوا

kitaab-e-umr ka ek aur baab khatam hua
shabaab khatam hua, ek azab khatam hua

hui nijaat safar mein fareb-e-sehra se
saraab khatam hua, izteraab khatam hua

baras k khul gia badal hawa-e-shab ki tarha
falak pe bark ka wo paech-o-taab khatam hua

jawab-deh na raha mein kisi k aagay MUNEER
wo ek sawal or uska jawab khatam hua

Read More

Chaand Ne Pani Mein Dekha Aur Pagal Ho Gaya

اپنی ہی تیغِ ادا سے آپ گھائل ہوگیا
چاند نے پانی میں دیکھا اور پاگل ہوگیا

وہ ہوا تھی شام ہی سے رستے خالی ہوگئے
وہ گھٹا برسی کے سارا شہر جل تھل ہوگیا

میں اکیلا اور سفر کی شام رنگوں میں‌ڈھلی
پھر یہ منظر میری آنکھوں سے بھی اوجھل ہوگیا

اب کہاں ہوگا وہ اور ہوگا بھی تو ویسا کہاں
سوچ کر یہ بات جی کچھ اور بوجھل ہوگیا

حُسن کی دہشت عجب تھی وصل کی شب میں منیر
ہاتھ جیسے انتہائے شوق سے شل ہوگیا

منیر نیازی۔

Read More

Hamesha Der Ker Deta Hun

ہمیشہ دیر کر دیتا ہوں میں، ہر کام کرنے میں

ضروری بات کہنی ہو کوئی وعدہ نبھانا ہو

اسے آواز دینی ہو، اسے واپس بلانا ہو

ہمیشہ دیر کر دیتا ہوں میں

مدد کرنی ہو اس کی، یار کی ڈھارس بندھانا ہو

بہت دیرینہ رستوں پر کسی سے ملنے جانا ہو

بدلتے موسموں کی سیر میں دل کو لگانا ہو

کسی کو یاد رکھنا ہو، کسی کو بھول جانا ہو

ہمیشہ دیر کر دیتا ہوں میں

کسی کو موت سے پہلے کسی غم سے بچانا ہو

حقیقت اور تھی کچھ اس کو جا کے يہ بتانا ہو

ہمیشہ دیر کر دیتا ہوں میں

Read More

Zinda Rahen To Kia Hai Jo Mar Jayen Hum To Kia

زندہ رہیں تو کیا ہے جو مر جائیں ہم تو کیا
دنیا سے خامشی سے گزر جائیں ہم تو کیا

ہستی ہی اپنی کیا ہے زمانے کے سامنے
اِک خواب ہے جہاں میں بِکھر جائیں ہم تو کیا

اب کون منتظر ہے ہمارے لیے وہاں
شام آ گئی ہے لوٹ کے گھر جائیں تو ہم کیا

دل کی خلِش تو ساتھ رہے گی تمام عمر
دریائے غم کے پار اتر جائیں ہم تو کیا

Read More

Muhabbat Ab Nahi Hogi

ستارے جو دمکتے ہیں
کسی کی چشم حیراں میں
ملاقاتیں جو ہوتی ہیں
جمال ابر و باراں میں
یہ نا آباد وقتوں میں
دل ناشاد میں ہو گی
محبت اب نہیں ہو گی
یہ کچھ دن بعد میں ہو گی
گزر جائیں گے جب یہ دِن
یہ ان کی یاد میں ہو گی

Read More

Jamaal e Yaar Ka dafter Raqm Nahi Hota

جمالِ یار کا دفتر رقم نہیں ہوتا                                    
کسی جتن سے بھی یہ کام کم نہیں ہوتا                          

تمام اُجڑے خرابے حسیں نہیں ہوتے                            
ہر اک پرانا مکاں قصر ِ جم نہیں ہوتا                            

تمام عمر رہِ رفتگاں کو تکتی رہے                              
کسی نگاہ میں اتنا تو دم نہیں ہوتا                                 

یہی سزا ہے مری اب جو میں اکیلا ہوں                        
کہ میرا سر ترے آگے بھی خم نہیں ہوتا                        

وہ بے حسی ہے مسلسل شکستِ دل سے منیر                 
کوئی بچھڑ کے چلا جائے ، غم نہیں ہوتا                       
منیر نیازی                  

Read More