Karam Mangta Hon Ataa Mangta Hon

کرم مانگتا ہوں عطا مانگتا ہوں

کرم مانگتا ہوں عطا مانگتا ہوں
الٰہی میں تُجھ سے دعا مانگتا ہوں

 
عطا کر دو شانِ کریمی کا صدقہ
دلا دے الٰہی رحیمی کا صدقہ

 
نہ مانگوں گا تُجھ سے تو مانگوں گا کس سے
تیرا ہوں تُجھی سے دعا مانگتا ہوں

 
کرم مانگتا ہوں عطا مانگتا ہوں
الٰہی میں تُجھ سے دعا مانگتا ہوں

 
الٰہی تو ہمیشہ مسرور رکھنا
بلاؤں سے ہم کو بہت دور رکھنا

 
پریشانیاں ہم کو گھیرے ہوئے ہیں
میں ان سے تیرا آسرا مانگتا ہوں

 
کرم مانگتا ہوں عطا مانگتا ہوں
الٰہی میں تُجھ سے دعا مانگتا ہوں

 
ہوا ہے نہ مایوس تیرا سوالی
نہیں تیرے در سے گیا کوئی خالی

 
غریبوں پہ تو رحم کر یا الٰہی
مریضوں کی خاطر شفاء مانگتا ہوں

 
کرم مانگتا ہوں عطا مانگتا ہوں
الٰہی میں تُجھ سے دعا مانگتا ہوں

 
الٰہی تجھے واسطہ پنجتن کا
ہو شاداب غنچہ دلوں کے چمن کا

 
تو دامن ہمارے مُرادوں سے بھر دے
کرم کی نظر اک خُدا مانگتا ہوں

 
کرم مانگتا ہوں عطا مانگتا ہوں
الٰہی میں تُجھ سے دعا مانگتا ہوں