Adhaan

اذان

صاحبو ! یہ اذان ، جو ظاہری طور پر ایک معصوم سا بلاوا ہے کہ ، " آؤ الله کے حضور سر بسجود ہو جائیں - بڑی پر اثر چیز ہے - کانوں سے دل میں جا بیٹھتی ہے - ہمارے اندر کو انڈے کی طرح پھینٹ کر رکھ دیتی ہے - جبھی تو غیر مسلموں کی نظر میں بڑی خطرناک چیز ہے - سکھوں کو حکم ہے کہ وہ اذان کی آواز نہ سنیں -
یہاں اسلام آباد میں کچھ سفارت خانے ایسے ہیں جہاں اذان سننے کی ممانعت ہے ایک سفیر صاحب سے پوچھا گیا کہ آپ اذان سے کیوں خائف ہیں ؟ بولے : " پتہ نہیں ، لیکن اذان کی آواز سن کر مجھ پر وحشت سی طاری ہو جاتی ہے - "
تاریخ شاہد ہے کہ کئی ایک غیر مسلم بادشاہوں نے اذان پر پابندی لگا رکھی تھی

ممتاز مفتی کی تلاش سے