Dunya Ka Kuch Bura Bhi Tamasha Nahi Raha

دنیا کا کچھ برا بھی تماشا نہیں رہا

دل چاہتا تھا جس طرح ویسا نہیں رہا

تم سے ملے بھی ہم تو جدائی کے موڑ پر

کشتی ہوئی نصیب تو دریا نہیں رہا

کہتے تھے ایک پل نہ جیئیں گے ترے بغیر

ہم دونوں رہ گئے ہیں وہ وعدہ نہیں رہا

کاٹے ہیں اس طرح سے ترے بغیر روز و شب

میں سانس لے رہا تھا پر زندہ نہیں رہا

آنکھیں بھی دیکھ دیکھ کے خواب آ گئی ہیں تنگ

دل میں بھی اب وہ شوق، وہ لپکا نہیں رہا

کیسے ملائیں آنکھ کسی آئنے سے ہم

امجد ہمارے پاس تو چہرہ نہیں رہا

dunya ka kuch bura bhi tamasha nahi raha

dil chahta tha jis tarah wesa nahi raha

tum se milay bhi ham to judai k mor par

kashti hue naseeb to darya nahi raha

kehtay thay aik pal na jien ge teray bagh

air
ham dono reh gaye hain, wo wadaa nahi raha

katay hain is tarah se teray baad shab-o-roz

main sans le raha tha par zinda nahi raha

ankhain bhi daikh daikh k khawab a gai hain tang

dil mein bhi ab wo shoq lapka nahi rha

kesay milain ankh kisi ainay se ham

amjad hamaray pas to chehra nahi rha

Amjad Islam Amjad