Main Ne Her-Chand Ghum-e-Ishq Ko Khona Chaha

میں نے ہر چند غمِ عشق کو کھونا چاہا
غمِ الفت غمِ دنیا میں سمونا چاہا
وہی افسانے مری سمت رواں ہیں اب تک
وہی شعلے مرے سینے میں نہاں ہیں اب تک
وہی بے سود خلش ہے مرے سینے میں ہنوز
وہی بیکار تمنائیں جواں ہیں‌اب تک
وہی گیسو مری راتوں پہ ہیں بکھرے بکھرے
وہی آنکھیں مری جانب نگراں ہیں اب تک
کثرتِ غم بھی مرے غم کا مداوا نہ ہوئی!
میرے بے چین خیالوں کو سکون مل نہ سکا
دل نے دنیا کے ہر اک درد کو اپنا تو لیا
مضمحل روح کو اندازِ جنوں مل نہ سکا
میری تخئیل کا شیرازۂ برہم ہے وہی
میرے بجھتے ہوئے احساس کا عالم ہے وہی
وہی بے جان ارادے وہی بے رنگ سوال
وہی بے روح کشاکش وہی بے چین خیال
آہ اس کشمکشِ صبح و مسا کا انجام
میں بھی ناکام مری سعی عمل بھی ناکام

Main ne her-chand ghum-e-ishq ko khona chaha
ghum-e-ulfat ghum-e-dunya mai samona chaha
wohi afsaanay meri simt rawaan hain ab tak
wohi sholay mairay seenay mai nihaan hain ab tak
wohi bay-sood khalish hay mairay seenay mai hanooz
wohi bay-kaar tamannaein jawaan hain ab tak
wohi gaisu mairi raaton pai hain bikhray bikhray
wohi aankhain meri janib nigraan hain ab tak
kasrat-e-ghum bhi mairay ghum ka madawa na huwi
mairay bay-chain khayalon ko sakoon mil na saka
dil ne dunya kay her dard ko apna to liya
muzmahill ruh ko andaz-e-junoon mil na saka
mairay takhaiyyul ka sheraaza berhum hay wohi
mairay bujhtay huway ehsaas ka aalim hay wohi
wohi bay-jaan iraday, wohi bay-rang sawal
wohi bay-rooh kashakash, wohi bay-chain khayal
Aah iss kashmakish-e-subah-o-masa kaa anjaam
main bhi nakaam, meri sai-e-amal bhi nakaam