Sochta Hoon Ki Muhabbat Se Kinara Ker Loon

سوچتا ہوں‌کہ محبت سے کنارا کرلوں
دل کو بیگانۂ ترغیب و تمنا کرلوں
سوچتا ہوں‌کہ محبت ہے جنونِ رسوا
چند بے کار سے بے ہودہ خیالوں کا ہجوم
ایک آزاد کو پابند بنانے کی ہوس
ایک بیگانے کو اپنانے کی سعئ موہوم
سوچتا ہوں کہ محبت سے سرور و مستی
اس کی تنویر سے روشن ہے فضائے ہستی
سوچتا ہوں کہ محبت ہے بشر کی فطرت
اس کا مٹ جانا مٹا دینا بہت مشکل ہے
سوچتا ہوں کہ محبت سے ہے تابندہ حیات
اور یہ شمع بجھا دینا بہت مشکل ہے
سوچتا ہوں کہ محبت پہ کڑی شرطیں ہیں
اس تمدن میں مسرت پہ بڑی شرطیں ہیں
سوچتا ہوں کہ محبت ہے اک افسردہ سی لاش
چادرِ عزت و ناموس میں کفنائی ہوئی
دورِ سرمایہ کی روندی ہوئی رسوا ہستی
درگہِ مذہب و اخلاق سے ٹھکرائی ہوئی
سوچتا ہوں کہ بشر اور محبت کا جنوں
ایسے بوسیدہ تمدن میں ہے اک کار زبوں
سوچتا ہوں کہ محبت نہ بچے گی زندہ
پیش ازاں وقت کہ سڑ جائے یہ گلتی ہوئی لاش
یہی بہتر ہے کہ بیگانۂ الفت ہو کر
اپنے سینے میں‌کروں جذبۂ نفرت کی تلاش
سوچتا ہوں کہ محبت سے کنارا کر لوں
دل کو بیگانۂ ترغیب و تمنا کر لوں

Sochta hoon ki Muhabbat se kinara ker loon
Dil ko Begana-e-Targeeb-o-tammana ker loon

sochta hoon k Muhabbat hai junoon-e-ruswa
chand bekar se behooda khyaloan ka hajoom
ek azad ko paband bananey ki hawas
ek beganey ko apnaney ki sai-e-mohoom

sochta hoon k Muhabbat hai Saroor-e-masti !
iski tanveer se roshan hai faza-e- hasti

sochta hoon k muhabbat hai basher ki fitrat
is ka mit jana mita dena bohat mushkil hai
sochta hoin ki muhabbat se hai tabinda hayat
ab ye shamma bujha dena bohut mushkil hai

sochta hoon k muhabbat pe kari shertein hain
is tammadun mein musarraty pe kari shartein hain

sochta hoon ki muhabbat hai ik afsurda si Lash
chader-e-izat o namoos mein kafnai hui
door-e-sarmaya ki rondi hui ruswa hasti
dargha-e-mazhab-o-ikhlaq se thukrai hui

sochta hoon ki basher or Muhabbat ka junoon
aesy boseeda tammadun mein hai ik kar-e-zaboon

sochta hoon ki Muhabbat na bachy gi zinda
pesh iz waqt k gal jaye ye galti hui Lash
yehi behtar hai k begana-e-ulfat ho ker !
apny seenon mn karon jazba-e-nafrat ki talash

Sochta hoon ki Muhabbat se kinara ker loon
Dil ko Begana-e-Targeeb-o-tmmana ker lon