نہ جانے کن اداؤں سے لبھا لیا گیا مجھے
قتیل میرے سامنے چُرا لیا گیا مجھے
کبھی جو ان کے جشن میں سیاہیاں بکھر گئیں
تو روشنی کے واسطے جلا لیا گیا مجھے
براہِ راست رابطہ نہ مجھ سے تھا قبول انہیں
لکھوا کے خط رقیب سے بلا لیا گیا مجھے
جب ان کی دید کے لیے قطار میں کھڑا تھا میں
قطار سے نہ جانے کیوں ہٹا لیا گیا مجھے
میں روندنے کی چیز تھا کسی کے پاؤں سے مگر
کبھی کبھی تو زلف میں سجا لیا گیا مجھے
پوچھا تھا وفا ہے کیا ؟جواب تھا کہ زندگی
قتیل پیار سے گلے لگا لیا گیا مجھے
Na Jane Kin Adaon Se Lubha Liya Gaya Mujhe.
Qateel Mere Samney Chura Liya Gaya Mujhe.
Kabhi Jo Un Ke Jashn Mein Siyahiyan Bikhar Gaen To.
Roshni K Wastey Jala Liya Gaya Mujhe.
Barah-E-Rast Rabta Na Mujhse Tha Qabool Unhain.
Likhwa K Khat Raqeb Se Bula Liya Gaya Mujhe.
Jab Un Ki Deed K Liye Khara Tha Main Kataar Me.
Na Jane Kyon Kataar Se Hata Liya Gaya Mujhe.
Mein Rondney Ki Chez Tha Kisi K Paon Se Magar.
Kabhi Kabhi To Zulf Mein Saja Liya Gaya Mujhe.
Poucha Gaya Wafa Hai Kya.? Jawab Tha K Zindagi.
Qateel Piyar Se Galey Laga Liya Gaya Mujhe.
0 comments:
Post a Comment