Thursday 11 July 2013

Qazi and His Decision

Posted by Unknown on 00:51 with No comments
ﭘﺮﺍﻧﮯ ﻭﻗﺘﻮﮞ ﮐﯽ ﺑﺎﺕ ﮨﮯ،
ﻋﺪﺍﻟﺖ ﻟﮕﯽ ﮨﻮﺋﯽ ﺗﮭﯽ
ﺍﻭﺭ ﺧﻠﻘﺖ ﺟﻤﻊ ﺗﮭﯽ-- ﻗﺎﺿﯽ ﭘﺮﯾﺸﺎﻥ
ﺗﮭﺎ ﮐﮧ ﻓﯿﺼﻠﮧ ﮐﯿﺴﮯ ﮐﺮﻭﮞ ﺑﺎﺕ ﯾﮧ ﺗﮭﯽ ﮐﮧ ﺍﯾﮏ ﻃﺮﻑ ﺗﻮ ﺷﮩﺮ ﮐﺎ
ﺑﮩﺖ ﺑﮍﺍ ﺳﻮﺩﺍﮔﺮ ﺗﮭﺎ ﺟﺲ ﮐﺎ ﮐﮩﻨﺎ ﺗﮭﺎ
ﮐﮧ ﺍﺱ ﺷﺨﺺ ﺟﻮ ﮐﮧ ﺍﯾﮏ ﻏﺮﯾﺐ ﺑﻮﮌﮬﺎ
ﺳﺒﺰﯼ ﺑﯿﭽﻨﮯ ﻭﺍﻻ ﺗﮭﺎ ﺍﺱ ﻧﮯ ﺳﻮﺩﺍﮔﺮ
ﺳﮯ ﻓﺮﺍﮈ ﮐﯿﺎ ﮨﮯ ﺍﻭﺭ ﺍﺱ ﮐﮯ ﺍﯾﮏ ﮨﺰﺍﺭ ﺩﯾﻨﺎﺭ ﮐﮭﺎ ﮔﯿﺎ ﮨﮯ
ﺍﻭﺭ ﺑﻮﮌﮬﮯ ﮐﺎ ﻣﻮﻗﻒ ﺗﮭﺎ ﮐﮧ ﯾﮧ ﺷﺨﺺ
ﺟﮭﻮﭦ ﺑﻮﻝ ﺭﮨﺎ ﮨﮯ ﻣﯿﺮﺍ ﺍﺱ ﺳﮯ ﮐﺒﮭﯽ
... ﮐﻮﺋﯽ ﻟﯿﻦ ﺩﯾﻦ ﺭﮨﺎ ﮨﯽ ﻧﮩﯿﮟ ﺗﻮ ﻣﯿﮟ
ﮐﯿﺴﮯ ﻓﺮﺍﮈ ﮐﺮ ﺳﮑﺘﺎ ﮨﻮﮞ،
ﺑﻶﺧﺮ ﻗﺎﺿﯽ ﻧﮯ ﺗﻨﮓ ﺁﮐﺮ ﮐﮩﺎ ﮐﮧ ﺗﺎﺟﺮ
ﮐﻮﺋﯽ ﺛﺒﻮﺕ ﻟﮯ ﮐﺮ ﺁﺋﮯ ﺟﺲ ﺳﮯ ﻣﻌﻠﻮﻡ
ﮨﻮ ﮐﮧ ﻭﺍﻗﻌﯽ ﺑﻮﮌﮬﮯ ﻧﮯ ﺍﺱ ﮐﮯ ﺍﯾﮏ
ﮨﺰﺍﺭ ﺩﯾﻨﺎﺭ ﮨﺘﮭﯿﺎ ﻟﺌﮯ ﮨﯿﮟ،
ﺩﻭﺳﺮﮮ ﺩﻥ ﺗﺎﺟﺮ ﺩﻭ ﻧﻮﺟﻮﺍﻥ ﻻﯾﺎ ﺍﻭﺭ
ﺍﻧﮩﻮﮞ ﻧﮯ ﮐﮩﺎ ﮐﮧ ﮨﻢ ﻧﮯ ﺧﻮﺩ ﺩﯾﮑﮭﺎ ﮨﮯ
ﮐﮧ ﺍﺱ ﺑﻮﮌﮬﮯ ﺳﺒﺰﯼ ﻓﺮﻭﺵ ﻧﮯ ﺗﺎﺟﺮ
ﺳﮯ ﺍﯾﮏ ﮨﺰﺍﺭ ﺩﯾﻨﺎﺭ ﺩﮬﻮﮐﮯ ﺳﮯ ﮨﺘﮭﯿﺎﺋﮯ ﮨﯿﮟ
ﺗﻮ ﻗﺎﺿﯽ ﺳﺒﺰﯼ ﻓﺮﻭﺵ ﺳﮯ ﻣﺨﺎﻃﺐ ﮨﻮﺍ
ﮐﮧ ﺑﻮﻟﻮ ﺗﻤﮩﯿﮟ ﺍﭘﻨﮯ ﺣﻖ ﻣﯿﮟ ﮐﻮﺋﯽ
ﺻﻔﺎﺋﯽ ﭘﯿﺶ ﮐﺮﻧﯽ ﮨﮯ؟
ﺗﻮ ﺳﺒﺰﯼ ﻭﺍﻻ ﺑﻮﻻ:
ﻗﺎﺿﯽ ﺻﺎﺣﺐ ﻗﺴﻢ ﮨﮯ ﻣﺠﮭﮯ ﺍﺱ ﺭﺏ
ﮐﯽ ﺟﺲ ﻧﮯ ﻣﯿﺮﮮ ﮨﺎﺗﮫ ﻣﯿﮟ ﺍﻥ ﻣﻌﺼﻮﻡ
ﭘﺮﻧﺪﻭﮞ ﮐﺎ ﺭﺯﻕ ﻟﮑﮭﺎ ﮨﮯ ﻣﯿﮟ ﻧﮯ ﺍﺱ
ﺟﮭﻮﭨﮯ ﺗﺎﺟﺮ ﺳﮯ ﮐﻮﺋﯽ ﻓﺮﺍﮈ ﻧﮩﯿﮟ ﮐﯿﺎ،
ﺗﻮ ﻗﺎﺿﯽ ﺑﻮﻻ ﮐﻮﻥ ﺳﮯ ﭘﺮﻧﺪﮮ ﺍﻭﺭ ﮐﯿﺴﺎ
ﺭﺯﻕ؟
ﺗﻮ ﺑﻮﮌﮬﺎ ﺑﻮﻻ:
ﻣﯿﮟ ﺭﻭﺯﺍﻧﮧ ﺻﺒﺢ ﺳﻮﯾﺮﮮ ﺍﭨﮫ ﮐﺮ ﺑﺎﺭﯾﮏ
ﭘﺴﺎ ﮨﻮﺍ ﺍﻧﺎﺝ، ﺩﺍﻧﮧ ﮔﻨﺪﻡ ﻭﻏﯿﺮﮦ ﺍﭘﻨﮯ ﺻﺤﻦ
ﮐﮯ ﺍﯾﮏ ﮐﻮﻧﮯ ﻣﯿﮟ ﮈﺍﻝ ﺩﯾﺘﺎ ﮨﻮﮞ ﺗﺎﮐﮧ
ﭼﮭﻮﭨﮯ ﺍﻭﺭ ﻣﻌﺼﻮﻡ ﭘﺮﻧﺪﮮ ﮐﮭﺎ ﺳﮑﯿﮟ،
ﺗﻮ ﻗﺎﺿﯽ ﻓﻮﺭﺍ" ﺍﭨﮫ ﮐﮭﮍﺍ ﮨﻮﺍ ﺍﻭﺭ ﺑﻮﻻ
ﻗﺴﻢ ﮨﮯ ﻣﺠﮭﮯ ﺍﻟﻠﮧ ﭘﺎﮎ ﮐﯽ ﺟﺲ ﻧﮯ
ﻣﺠﮭﮯ ﻓﯿﺼﻠﮧ ﮐﺮﻧﮯ ﮐﯽ ﺍﺳﺘﻄﺎﻋﺖ ﺩﯼ
ﮨﮯ
" ﺟﻮ ﺑﻨﺪﮦ ﭘﺮﻧﺪﻭﮞ ﮐﻮ ﺩﺍﻧﺎ ﮈﺍﻟﺘﺎ ﮨﻮ ﻭﮦ
ﮐﺒﮭﯽ ﺩﮬﻮﮐﮧ ﺑﺎﺯ ﻧﮩﯿﮟ ﮨﻮﺳﮑﺘﺎ "
ﯾﮧ ﮐﮧ ﮐﺮ ﻗﺎﺿﯽ ﻧﮯ ﻓﯿﺼﻠﮧ ﺑﻮﮌﮬﮯ ﺳﺒﺰﯼ
ﻓﺮﻭﺵ ﮐﮯ ﺣﻖ ﻣﯿﮟ ﮐﺮ ﺩﯾﺎ.

0 comments:

Post a Comment