Ab Tou Yeh Khuwahish Hai Yeh Zakhm Bhi Kha Kar Dekhein

اب تو خواہش ہے کہ یہ زخم بھی کھا کر دیکھیں

لمحہ بھر کو ہی سہی اُس کو بُھلا کر دیکھیں

شہر میں جشنِ شبِ قدر کی ساعت آئی

آج ہم بھی تیرے ملنے کی دعا کر دیکھیں

آندھیوں سے جو الجھنے کی کسک رکھتے ہیں

اِک دِیا تیز ہَوا میں بھی جلا کر دیکھیں

کچھ تو آوارہ ہواؤں کی تھکن ختم کریں

اپنے قدموں کے نشاں آپ مِٹا کر دیکھیں

زندگی اب تجھے سوچیں بھی تو دم گھٹتا ہے

ہم نے چاہا تھا کبھی تجھ سے وفا کر دیکھیں

جن کے ذرّوں میں خزاں ہانپ کے سو جاتی ہے

ایسی قبروں پہ کوئی پھول سجا کر دیکھیں

دیکھنا ہو تو محبت کے عزاداروں کو

ناشناسائی کی دیوار گِرا کر دیکھیں

یوں بھی دنیا ہمیں مقروض کئے رکھتی ہے

دستِ قاتل تیرا احساں بھی اٹھا کر دیکھیں

رونے والوں کے تو ہمدرد بہت ہیں محسن

..ہنستے ہنستے کبھی دنیا کو رُلا کر دیکھیں

Ab Tou Yeh Khuwahish Hai Yeh Zakhm Bhi Kha Kar Dekhein

Lamha Bhar Ko He Sahi Us Ko Bhula Kar Dekhein

Shehar Mein Jashn-e-Shab-e-Qadar Ki  Sa’at Aaiee

Aj Hum B Tere Milne Ki Duaa Kar Dekhein

Ulajhne Ki Kasak Rakhte Hein Aandhiyon Se Jo

Ik Diya Taiz hawa Mein Bhi Jala Kar Dekhein

Kuch Tou Awara Hawaoun Ki Thakan Khatam Karen

Apne Qadmon K Nishaan Aap Mita Kar Dekhein

Zindagi Ab Tujhe Sochein Bhi Tou Dum Ghut’ta  Hai

Hum Ne Chaha Tha Kabhi Tujhse Wafa Kar Dekhein

Hai Jin K Zarron Mein Khizaan Haanp K So Jati

Aisi Qabron Pe Koi Phool Saja Kar Dekhein

Dekhna Ho Tou Mohabbat K Azadaaron Ko

Na Shanasaiee Ki Diwaar Gira Kar Dekhein

Yun Bhi Dunya Hame Maqrooz Kiye Rakhti Hai

Dast-e-Qatil Tera Ehsaan Bhi Utha Kar Dekhein

Ronay Walon K Tou Hamdard Bohat Hein Mohsin

Hansty Hansty Kabhi Dunya Ko Rula Kar Dekhein..