خواتین کی کامیابی کا اندازہ انکے ہاتھوں کی انگلیوں سے ممکن ہے،تحقیق

نیویارک…این جی ٹی…ذہین ، با صلاحیت اور پر کشش شخصیت کا مالک ہوناکامیابی کی علامات تصور کیا جاتا ہے تاہم ایک نئی تحقیق میں ثابت کیا گیا ہے کہ ہاتھوں کی انگلیوں میں کامیابی کا راز چھپا ہوتا ہے۔یہ دلچسپ دعوی ٰامریکہ میں ہونے والی ایک تحقیق میں کیا گیا ہے جس کے مطابق خواتین کے ہاتھ کی تیسری انگلی انکے مستقبل کے رجحانات ،ذہانت اور کامیابی کا تعین کرتی ہے۔ ایسی خواتین جن کے ہاتھ کی درمیانی انگلی باقی انگلیوں کی نسبت 10سے20 فیصد لمبی ہوتی ہے وہ نا صرف نہایت ذہین ثابت ہوتی ہیں بلکہ کسی بھی قسم کا خطرہ مول لینے سے ذرا بھی نہیں گھبراتیں اور زندگی میں آگے بڑھنے کی جستجو میں مگن رہتی ہیں۔ توبھئی پھرایسی خواتین جن کے ہاتھ کی تیسری انگلی نسبتاً لمبی ہے انکے لئے خوشخبری ہے کہ وہ مستقبل میں ایک کامیاب اور خوشگوار زندگی گزارنے کے ساتھ ساتھ مشہور کاروباری شخصیت بھی بن سکتی ہیں۔