Thursday 1 August 2013

تنگ آ چکے ہیں کشمکشِ زندگی سےہم
ٹھکرا نہ دیں جہاں کو کہیں‌ بے دلی سے ہم 

مایوسئ مآلِ محبت نہ پوچھئے
اپنوں سے پیش آئے ہیں ‌بیگانگی سے ہم 

لو آج ہم نے توڑ دیا رشتۂ امید
لو اب کبھی گلہ نہ کریں گے کسی سے ہم 

ابھریں گے ایک بار ابھی دل کے ولولے
گودب گئے ہیں بارِ غمِ زندگی سے ہم 

گر زندگی میں مل گئے پھر اتفاق سے
پوچھیں گے اپنا حال تری بے بسی سے ہم 

اللہ رے فریبِ مشیت کہ آج تک
دنیا کے ظلم سہتے رہے خامشی سے ہم

Tang aa chuke hain kashmakash-e-zindagi se hum
Thukraa na dein jahaan ko kahin bedilee se hum!

Maayuusi-e-ma'al-e-mohabbat na puchhiye
Apnon se pesh aaye hain begaangi se hum!

Lo aaj hamne tod diyaa har rishtaa-e-ummeed
Lo ab kabhi gilaa na karenge kisi se hum!

Ubhrenge ek baar abhi dil ke val-vale
Go dab gaye hain baar-e-Gam-e-zindagi se hum!

Gar zindagi mein mil gaye phir ittefaaq se
Poochhenge apnaa haal teri bebasi se hum!

Allaah re fareb-e-maslihat ke aaj tak
duniyaa ke zulm sahte rahe Khaamoshi se hum!

0 comments:

Post a Comment