Gulaab Haath Main Ho, Aankh Mein Sitara Ho...!!

گلاب ہاتھ میں ہو ، آنکھ میں ستارہ ہو

کوئی وجود محبّت کا استعارہ ہو

میں گہرے پانی کی اس رو کے ساتھ بہتی رہوں

جزیرہ ہو کہ مقابل کوئی کنارہ ہو

کبھی کبھار اُسے دیکھ لیں ،کہیں مل لیں

یہ کب کہا تھا کہ وہ خوش بدن ہمارا ہو

قصور ہو تو ہمارے حساب میں لکھ جائے

محبتوں میں جو احسان ہو ، تمھارا ہو

یہ اتنی رات گئے کون دستکیں دے گا

کہیں ہوا کا ہی اُس نے نہ رُوپ دھارا ہو

اُفق تو کیا ہے،درِ کہکشاں بھی چُھو آئیں

مُسافروں کو اگر چاند کا اشارہ ہو

میں اپنے حصے کے سُکھ جس کے نام کر ڈالوں

کوئی تو ہو جو مجھے اس طرح کا پیارا ہو

اگر وجود میں آہنگ ہے تو وصل بھی ہے

میں چاہے نظم کا ٹکڑا، وہ نثر پارہ ہو

Gulaab Haath Main Ho, Aankh Mein Sitara Ho...!!
Koi Wujood Mohabbat Ka Iste'aara Ho..!!
Mein Gehray Paani Ki Iss Ro' K Saath Behti Rahoon..!!
Jazeera Hoo Keh Muqaabil Koi Kinara Ho....!!!
Kabhi Kabhar Usey Dekh Lein, Kahein Mill Lein..!!
Yeh Kab Kaha Tha Ke Woh Khush'badan Hamara Ho..!!
Qasoor Ho To Hamarey Hisaab Mein Likh Jaye..!!
Mohabbaton Mein Jo Ehsaan Ho ... Tumhara Ho..!!
Yeh Itni Raat Gaye Kaun Dasta'kein Dey Ga....??
Kahein Hawa Ka Hi Uss Nay Roop Dhara Ho...!!
Ufaq Toa Kia Hay Dar-e-Kehkashaan Bhi Choo Ayein..!!
Musafiron Ko Agar Chaand Ka Ishara Hoo...!!
Mein Apne Hissey K Sukh Jiske Naam Kar Daloon...!!
Koi To Ho Jo Mujhe Iss Tarah Ka Pyara Ho..!!
Agar Wujood Mein Aahang Hai To Wasl Bhi Hai..!!
Mann Chahey Nazm Ka Tukra, Woh Nasar Para Ho...