Chehra Mera Tha Nigahen Us Ki

چہرہ میرا تھا، نگاہیں اُس کی

خامشی میں بھی وہ باتیں اُس کی

میرے چہرے پہ غزل لکھتی گئیں

شعر کہتی ہوئی آنکھیں اُس کی

شوخ لمحوں کا پتہ دینے لگیں

تیز ہوئی ہُوئی سانسیں اُس کی

ایسے موسم بھی گزارے ہم نے

صبحیں جب اپنی تھیں ،شامیں اُس کی

دھیان میں اُس کے یہ عالم تھا کبھی

آنکھ مہتاب کی، یادیں اُس کی

فیصلہ موجِ ہَوا نے لکھا!

آندھیاں میری، بہاریں اُس کی

نیند اس سوچ سے ٹوٹی اکثر

کس طرح کٹتی ہیں راتیں اُس کی

دُور رہ کر بھی سدا رہتی ہیں

مُجھ کو تھامے ہُوئے باہیں اُس کی

chehra mera tha nigahen us ki
khamushi main bhi wo baten us ki

mere chehre pe gazal likhti gain
sher kahti hui ankhen us ki

shokh lamhon ka pata dene lagin
tez hoti hui sansen us ki

aise mausam bhi guzare ham ne
subhen jab apni thin shamain us ki

dhyan main us k ye alam tha kabhi
ankh mahtab ki yaden us ki

faisala mauj-e-hawa ne likkha
andhiyan meri baharen us ki

nind is soch se tuti aksar
kis tarah katati hain raten us ki

dur rah kar bhi sada rahti hai
mujh ko thame hue bahen us ki

Read More

Sakoon Bhi Khawab Howa Neend Bhi Hai Kam Kam Phir

سکوں بھی خواب ہُوا، نیند بھی ہے کم کم پھر

قریب آنے لگا دُوریوں کا موسم پھر

بنا رہی ہے تری یاد مُجھ کو سلکِ کُہر

پرو گئی مری پلکوں میں آج شبنم پھر

وہ نرم لہجے میں کُچھ کہہ رہا ہے پھر مُجھ سے

چھڑا ہے پیار کے کومل سُروں میں مدھم پھر

تجھے مناؤں کہ اپنی انا کی بات سُنوں

اُلجھ رہا ہے مرے فیصلوں کا ریشم پھر

نہ اُس کی بات میں سمجھوں نہ وہ مری نظریں

معاملاتِ زباں ہو چلے ہیں مبہم پھر

وہ ایک لمحہ کہ جب سارے رنگ ایک ہوئے

کِسی بہار نے دیکھا نہ ایسا سنگم پھر

بہت عزیز ہیں آنکھیں مری اُسے، لیکن

وہ جاتے جاتے انہیں کر گیا ہے پُر نم پھر

sakoon bhi khawab howa neend bhi hai kam kam phir..
qareeb aanay laga doriyoon ka mousam phir...
bana rahi hai teri yaad mujko silk_e_gohar
paro gae meri palkoon main aaj shabnam phir...
who narm lehjay main kuch keh raha hai phir mujsay
chira hai payar kay komal suroon main madham phir...
tujay manaoon kay apni ana ki baat sunoon
ulaj raha hai miaray faisloon ka raisham phir...
na uski baat main samjoon na who meri nazrain
muaamlat_e_zuban ho chalay hain mabham phir...
who aik lamha kay jab saray rang aik howay
kisi bahanay daikha na aisa sangam phir..
bohot azeez hain aankhain meri usay,laikin
who jatay jatay inhain kar gaya hai purnam phir..

Read More

Phir Meray Shehr Se Guzra Hai Wo Badal Ki Tarah

پھر مرے شہر سے گزرا ہے وہ بادل کی طرح

دست گُل پھیلا ہُوا ہے مرے آنچل کی طرح

کہہ رہا ہے کسی موسم کی کہانی اب تک

جسم برسات میں بھیگے ہُوئے جنگل کی طرح

اُونچی آواز میں اُس نے تو کبھی بات نہ کی

خفگیوں میں بھی وہ لہجہ رہا کومل کی طرح

مِل کے اُس شخص سے میں لاکھ خموشی سے چلوں

بول اُٹھتی ہے نظر، پاؤں کی چھاگل کی طرح

پاس جب تک وہ رہے، درد تھما رہتا ہے

پھیلتا جاتا ہے پھر آنکھ کے کاجل کی طرح

اَب کسی طور سے گھر جانے کی صُورت ہی نہیں

راستے میرے لیے ہو گئے دلدل کی طرح

جسم کے تیرہ و آسیب زدہ مندر میں

دل سِر شام سُلگ اُٹھتا ہے صندل کی طرح

phir meray shehr se guzra hai wo badal ki tarah
dast e gul phaila huwa hai meray aanchal ki tarah

keh raha hai kisi mausam ki kahani abb tak
jism barsaat mai bhigay huway jangal ki tarah

unchi aawaz mai usnay tau kabhi baat na ki
khafgiyo'n mai bhi wo lehja raha komal ki tarah

mil k uss shakhs se mai lakh khamoshi say chaloo'n
bol utth'tee hai nazar paao'n ki chhagal ki tarah

paas jab tak wo rahay dard thama rehta hai
phailta rehta hai phir aankh k kaajal ki tarah

abb kisi taur se ghar janay ki soorat hi nahee'n
raastay merey liye ho gaye daldal ki tarah

jism k teeraa o aasaib zada mandar mai
dil sar e shaam sulag utth'ta hai sandal ki tarah

Read More

Tamaam Raat Mere Ghar Ka Aik Dar Khula Raha,

تمام رات میرے گھر کا ایک در کُھلا رہا

میں راہ دیکھتی رہی وہ راستہ بدل گیا

وہ شہر ہے کہ جادوگرنیوں کا کوئی دیس ہے

وہاں تو جوگیا، کبھی بھی لوٹ کر نہ آسکا

میں وجہِ ترکِ دوستی کو سُن کر مُسکرائی تو

وہ چونک اُٹھا عجب نظر سے مجھ کو دیکھنے لگا

بچھڑ کے مُجھ سے، خلق کو عزیز ہو گیا ہے تُو

مجھے تو جو کوئی ملا، تجھی کو پُوچھتا رہا

وہ دلنواز لمحے بھی گئی رُتوں میں آئے جب

میں خواب دیکھتی رہی، وہ مجھ کو دیکھتا رہا

وہ جس کی ایک پل کی بے رُخی بھی دل کو بار تھی

اُسے خود اپنے ہاتھ سے لکھا ہے مجھ کو بُھول جا

دمک رہا ہے ایک چاند سا جبیں پہ اب تلک

گریزپا محبتوں کا کوئی پل ٹھہر گیا

Tamaam raat mere ghar ka aik dar khula raha,
Main raah dekhti rahi, woh rasta badal geya,

Woh sheher hai ke jadugarniyon ka koi des,
Wahan to jo geya kabhi laut kar na aasaka,

Main wajah-e-tark-e-dosti ko sun ke muskurayi to,
Woh chaunk utha, ajab nazar se mujh ko dekhne laga,

Bichar ke mujh se, halaq ko aziz ho geya hai tu,
Mujhe to jo koi mila, tujhi ko puchta raha,

Woh dilnawaaz lamhe bhi gayi ruton mein aye jab,
Main khawb dekhti rahi, woh mujh ko dekhta raha,

Woh jis ki ek pal ki be’rukhi bhi dil ko haar thi,
Usey khud apne hath se likha hai, mujhe bhool ja,

Damak raha hai aik chaand se jabee’n pe ab talak,
Gurez’paa mohabton ka koi pal theher geya..

Read More

Darwaza Jo Khola To Nazar Aaye Khare Wo,

دروازہ جو کھولا تو نظر آئے وہ کھڑے وہ

حیرت ہے مجھے، آج کدھر بُھول پڑے وہ

بُھولا نہیں دل، ہجر کے لمحات کڑے وہ

راتیں تو بڑی تھیں ہی، مگر دن بھی بڑے وہ!

کیوں جان پہ بن آئی ہے، بِگڑا ہے اگر وہ

اُس کی تو یہ عادت کے ہواؤں سے لڑے وہ

الفاظ تھے اُس کے کہ بہاروں کے پیامات

خوشبو سی برسنے لگی، یوں پُھول جھڑے وہ

ہر شخص مجھے، تجھ سے جُدا کرنے کا خواہاں

سُن پائے اگر ایک تو دس جا کے حروف جڑے وہ

بچے کی طرح چاند کو چُھونے کی تمنا

دِل کی کوئی شہ دے دے تو کیا کیا نہ اڑے وہ

طوفاں ہے تو کیا غم، مجھے آواز تو دیجے

کیا بُھول گئے آپ مرے کچے گھڑے وہ

Darwaza Jo Khola To Nazar Aaye Khare Wo,

Hairat Hai Mujhe Aaj Kidhar Bhool Pare Wo,

Bhoola Nahi Dil Hijar K Lamhat Karre Wo,

Ratain To Bari Thein Hi Magar Din Bhi Bare Wo,

Kion Jan Pe Ban Aai Hai Bigra Hai Agar Wo,

Us Ki To Ye Aadat K Hawaon Se Lare Wo,

Kion Jan Pe Ban Aai Hai Bigra Hai Agar Wo,

Us Ki To Ye Aadat K Hawaon Se Larre Wo,

Alfaz Thay Us K Keh Baharon K Payamat,

Khushbo Si Barasne Lagi Youn Phool Jhare Wo,

Har Shakhs Mujhe Tujh Se Juda Karne Ka Khawahan,

Sun Paye Agar Aik To Das Ja K Jarre Wo,

Bache Ki Tarha Chand Ko Choone Ki Tamana,

Dil Ko Koi Shaye De De To Kia Kia Na Arre Wo,

Toofaan Hai To Kia Gham Mujhe Awaz To Dejiye,

Kia BhooL Gaye Aap Mere Kache Gharre Wo.............!

Read More

Charaagh-e-Raah Bujha Kia, Ke Rehnumaa Bhi Gaya

چراغِ راہ بُجھا کیا، کہ رہنما بھی گیا

ہَوا کے ساتھ مسافر کا نقشِ پا بھی گیا

میں پُھول چنتی رہی اور مجھے خبر نہ ہُوئی

وہ شخص آکے مرے شہر سے چلا بھی گیا

بہت عزیز سہی اُس کو میری دلداری

مگر یہ ہے کہ کبھی دل مرا دُکھا بھی گیا

اب اُن دریچوں پہ گہرے دبیز پردے ہیں

وہ تاک جھانک کا معصوم سلسلہ بھی گیا

سب آئے میری عیادت کو، وہ بھی آیا

جو سب گئے تو مرا درد آشنا بھی گیا

یہ غربتیں مری آنکھوں میں کیسی اُتری ہیں

کہ خواب بھی مرے رُخصت ہیں، رتجگا بھی گیا

Charaagh-e-Raah Bujha Kia, Ke Rehnumaa Bhi Gaya
Hawa Ke Saath Musaafir Ka Naqsh-e-Paa Bhee Gaya

Mein Phool Chunti Rahee Aur Mujhe Khabar Na Howi
Wo Shakhs Aa Ke Mere Sheher Se Chala Bhee Gaya

Bohat Azeez Sahee Osko Meri Dildaari
Magar Ye Hai Ke Kubhi Dil Mera Dukha Bhee Gaya

Ab Un Dareechon Pe Gehray Dabaiz Parday Hain
Wo Taank Jhaank Ka Masoom Silsila Bhee Gaya

Sab Aaye Meri Ayaadat Ko, Wo Bhee Aaya Tha
Jo Sab Gaye Tou Mera Dard Aashna Bhee Gaya

Ye Ghurbatain Meri Aankhon Mein Kaisi Utri Hain ?
Ke Khwaab Bhee Mere Rukhsat Hain, Ratjaga Bhee Gaya…!

Read More

Ku-Ba-Ku Phail Gai Baat Shanasai Ki

کُو بہ کُو پھیل گئی بات شناسائی کی

اُن نے خوشبو کی طرح میری پذیرائی کی

کیسے کہہ دوں کہ مُجھے چھوڑ دیا اُس نے

بات تو سچ ہے مگر بات ہے رُسوائی کی

وہ کہیں بھی گیا، لَوٹا تو مرے پاس آیا

بس یہی بات اچھی مرے ہرجائی کی

تیرا پہلو، ترے دل کی طرح آباد ہے

تجھ پہ گُزرے نہ قیامت شبِ تنہائی کی

اُس نے جلتی ہُوئی پیشانی پہ جب ہاتھ رکھا

رُوح تک آ گئی تاثیر مسیحائی کی

Ku-ba-ku phail gai baat shanasai ki
Us ne khushbu ki tarah meri pazirai ki

Kaise keh dun k mujhe chor diya hai us ne
Baat to sach hai magar baat hai ruswai ki

Wo kahin bhi gaya lauta to mere pas aaya
Bass yahi baat hai achi mere harjai ki

Tera pehlu tere dil ki tarah abaad rahe
Tujh pe guzre na qayamat shab-e-tanhai ki

Us ne jalti hui peshani pe jo hath rakha
Rooh tak aa gai taasir masihai ki

(Parveen Shakir)

Read More

Dil Pe Ek Tarfa Kayamat Kerna

دل پہ اِک طرفہ قیامت کرنا

مُسکراتے ہوئے رخصت کرنا

اچھی آنکھیں جو ملی ہیں اُس کو

کچھ تو لازم ہُوا وحشت کرنا

جُرم کس کا تھا سزا کِس کو مِلی

کیا گئی بات پہ حُجت کرنا

کون چاہے گا تمھیں میری طرح

اب کِسی سے نہ محبت کرنا

گھر کا دروازہ کھلا رکھا ہے

وقت مِل جائے تو زحمت کرنا

Dil pe ek tarfa kayamat kerna
Muskarate hue rukhset karna.

Achhi aankhan jo mili hain usko
Kuch to lazim huaa bahshet kerna.

Jurm kiska tha saza kisko mili
Kya gayi baat pe hujjet kerna.

Kaun chahega tumeh meri tareh
Ab kisi se na mohabat kerna.

Gher ka darwaza khula rakha hai
Waqt mil jaye to zahmat kerna.

Read More

Sochon Tu Wo Saath Chal Raha Hai

سوچوں تو وہ ساتھ چل رہا ہے

دیکھوں تو نظر بدل رہا ہے

کیوں بات زباں سے کہہ کے کھوئی

دل آج بھی ہاتھ مَل رہا ہے

راتوں کے سفر میں وہم ساتھا

یہ میں ہوں کہ چاند چل رہا ہے

ہم بھی ترے بعد جی رہے ہیں

اور تُو بھی کہیں بہل رہا ہے

سمجھا کے ابھی گئی ہیں سکھیاں

اور دل ہے کہ پھر مچل رہا ہے

ہم ہی بُرے ہو گئے __کہ تیرا

معیارِ وفا بدل رہا ہے

پہلی سی وہ روشنی نہیں اب

کیا درد کا چاند ڈھل رہا ہے

Sochon Tu Wo Saath Chal Raha Hai
Dekhoon Tu Nazer Badal Raha Hai

Kyun Baat Zabaan Say Kah Kay Koee
Dil Aaj Bhi Hath Mal Raha Hai

Ratoon Kay Safer Main Waham Sa Hai
Yah Main Hoon Kah Chaand Chal Raha Hai

Ham Bhi Teray Badd Jee Rahain Hain
Or Tu Bhi Kahi Behal Raha Hai

Samjha Kay Abhi Gaee Hain Sakhyaan
Or Dil Hai Kah Pher Machal Raha Hai

Hum Hi Burray Ho Gaey_k Tera

Mayaar-e-Wafa Badal Rha Hy

Phele Se Wo Roshni Nahi Ab
Kia Dard Ka Chaand Dhal Raha Hai

Read More

Zindagi Se Nazar Milaao Kabhi

زندگی سے نظر ملاؤ کبھی

ہار کے بعد مسکراؤ کبھی

ترکِ اُلفت کے بعد اُمید وفا

ریت پر چل سکی ہے ناؤ کبھی!

اب جفا کی صراحتیں بیکار

بات سے بھرسکا ہے گھاؤ کبھی

شاخ سے موجِ گُل تھمی ہے کہیں !

ہاتھ سے رُک سکاہے بہاؤ کبھی

اندھے ذہنوں سے سوچنے والو

حرف میں روشنی ملاؤ کبھی

بارشیں کیا زمیں کے دُکھ بانٹیں

آنسوؤں سے بُجھا الاؤ کبھی

اپنے اسپین کی خبر رکھنا

کشتیاں تم اگر جلاؤ کبھی!

Zindagi se nazar milaao kabhi 

Haar k baad muskuraao kahi

Tark E ulfat k baad umeed E wafa

Ret par chal saki hai naao kabhi

Ab jafaa ki sarahataiN bekaar 

Baat se bhar saka hai ghaao kabhi

Shaakh se mauj E gul thami hai kahiN 

Baat se bhar sakaa hai ghao kabhi

Andhe zehnoN se sochne waalo 

 Harf meN raushni milaao kabhi

BarisheN kya zamiN k dukh baNteN

 AaNsuoN se bujhaa alaao kabhi

Apne Spain ki khabar rakhna 

 KashtiyaaN tum agar jalaao kabhi

Read More

Woh To Khushboo Hai, Hawaon Main Bikhar Jaae Ga

وہ تو خوشبو ہے، ہواؤں میں بکھر جائے گا

مسئلہ پُھول کا ہے، پُھول کدھر جائے گا

ہم تو سمجھے تھے کہ اِک زخم ہے، بھر جائے گا

کیا خبر تھی کہ رگِ جاں میں اُتر جائے گا

وہ ہواؤں کی طرح خانہ بجاں پھرتا ہے

ایک جھونکا ہے جو آئے گا، گُزر جائے گا

وہ جب آئے گا تو پھر اُس کی رفاقت کے لیے

موسمِ گُل مرے آنگن میں ٹھہر جائے گا

آخرش وہ بھی کہیں ریت پہ بیٹھی ہو گی

تیرا یہ پیار بھی دریا ہے ،اُتر جائے گا

مجھ کو تہذیب کے برزخ کا بنایا وارث

جُرم یہ بھی مرے اجداد کے سر جائے گا

Woh to khushboo hai, hawaon main bikhar jaae ga
Maslaa to phool ka hai phool kidar jaae ga

Hum tou samjhe the ke ik zakhm hai bhar jaae ga
Kya khabar the keh rag e jaan main utar jaae ga

Woh hawaon ki tarhan khana e bajaan phirta hai
Ik jhonka hay jo aye ga, guzar jaae ga

Woh jab aye ga to phir uski rafaqat ke liye
Mousam e gul mere angan main theher jaae ga

Aakhrish woh bhi kahin rait pe bethe honge
Tera yeh pyar bhi daryaa hai utar jaae ga

Mujhko tehzeeb ke barzhak ka bana dia waris
Jurm yeh bhi mere ajdaad ke sar jaae ga

Read More

Kamaal-e-Zabt Ko Khud Bhi Tou Aazmaoon Gi

کمالِ ضبط کو خود بھی تو آزماؤں گی

میں اپنے ہاتھ سےاس کی دلہن سجاؤں گی

سپرد کر کے اسے چاندنی کے ہاتھوں میں

میں اپنے گھر کے اندھیروں کو لوٹ آؤں گی

بدن کے کرب کو وہ بھی سمجھ نہ پائے گا

میں دل میں روؤں گی، آنکھوں میں مسکراؤں گی

وہ کیا گیا رفاقت کے سارے لطف گئے

میں کس سے روٹھ سکوں گی، کسے مناؤں گی

اب اُس کا فن تو کسی اور سے ہوا منسوب

میں کس کی نظم اکیلے میں گُنگناؤں گی

وہ ایک رشتہ بے نام بھی نہیں لیکن

میں اب بھی اس کے اشاروں پہ سر جھکاؤں گی

بچھا دیا تھا گلابوں کے ساتھ اپنا وجود

وہ سو کے اٹھے تو خوابوں کی راکھ اٹھاؤں گی

سماعتوں میں اب جنگلوں کی سانسیں ہیں

میں اب کبھی تری آواز سُن نہ پاؤں گی

جواز ڈھونڈ رہا تھا نئی محّبت کا

وہ کہہ رہا تھا کہ میں اُس کو بھول جاؤں گی

Kamaal-e-Zabt Ko Khud Bhi Tou Aazmaoon Gi
Mein Apney Haathon Say Us Ki Dulhan Sajaoon Gi

Supurd Kar Ke Ussey Chandni Kay Haathon Mein
Mein Apney Ghar Kay Andheiron Ko Laut Aaon Gi

Badan Kay Qarb Ko Vo Bhi Samajh Na Paaeyga
Mein Dil Mein Rouungi Aankhon Mein Muskuraoon Gi

Vo Kya Gaya Kay Rafaqat Kay Sarey Lutf Gaye
Mein Kis Say Rooth Sakuungi Kisey Manauun Gi

Vo Ik Rishta -e- Benaam Bhi Nahin Laikin
Mein Ab Bhi Us Kay Isharoon Pay Sir Jhukaoon Gi

Bichha Diya Thaa Gulaboon Kay Saath Apna Vujood
Vo Sou Kay Utthe Tou Khwaboon Ki Raakh Utthaoon Gi

Samaotoon Mein Ghane Jangaloon Ki Sansein Hain
Mein Kabhi Teri Aavaz Suun Na Paoon Gi
 

Javaz Dhoondh Raha Thaa Naye Muhabbat Ka
Vo Keh Raha Thaa Mein Usko Bhool Jaoon Gi 

Read More