Karo Jo Bat Karni Hai

::: کرو، جو بات کرنی ہے :::

کرو، جو بات کرنی ہے
اگر اس آس پہ بیٹھے، کہ دنیا
بس تمہیں سننے کی خاطر
گوش بر آواز ہو کر بیٹھ جائے گی
تو ایسا ہو نہیں سکتا
زمانہ، ایک لوگوں سے بھرا فٹ پاتھ ہے جس پر
کسی کو ایک لمحے کے لئے رُکنا نہیں ملتا
بٹھاؤ لاکھ تُم پہرے
تماشا گاہِ عالم سے گزرتی جائے گی خلقت
بِنا دیکھے، بِنا ٹھہرے
جِسے تُم وقت کہتے ہو
دھندلکا سا کوئی جیسے زمیں سے آسماں تک ہے
یہ کوئی خواب ہے جیسے
نہیں معلوم کچھ اس خواب کی مہلت کہاں تک ہے
کرو، جو بات کرنی ہے

Karo jo baat karni hai
Agar is aas par baithay kay duniya
Bas tumhain sunay ki khatir
Gosh bar awaz ho kay baith jai gi
To aisa ho nahin sakta
Zamana aik logon say bhara foot path hai jis par
Kisi ko aik lamhay kay liyay rukna nahin milta
Bithao lakh tum pehray
Tamasha gah-e-aalam say guzarti jai gi khalqat
Bina daikhay bina tahray
Karo jo baat karni hai
(Amjad Islam Amjad)