Tumhari Yad Ka BeHad Khayal Rakhte Hain

ترے گلے میں جو بانہوں کو ڈال رکھتے ہیں
تجھے منانے کا کیسا کمال رکھتے ہیں

تجھے خبر ہے تجھے سوچنے کی خاطر ہم
بہت سے کام مقدر پہ ٹال رکھتے ہیں

کوئی بھی فیصلہ ہم سوچ کر نہیں کرتے
تمہارے نام کا سِکّہ اُچھال رکھتے ہیں

تمہارے بعد یہ عادت سی ہو گئی اپنی
بِکھرتے سُوکھتے پتّے سنبھال رکھتے ہیں

خوشی سی ملتی ہے خود کو اذیّتیں دے کر
سو جان بوجھ کر دل کو نڈھال رکھتے ہیں

کبھی کبھی وہ مجھے ہنس کے دیکھ لیتے ہیں
کبھی کبھی مرا بے حد خیال رکھتے ہیں

تمہارے ہجر میں یہ حال ہو گیا اپنا
کسی کا خط ہو اُسے بھی سنبھال رکھتے ہیں

خوشی ملے بھی ترے بعد خوش نہیں ہوتے
ہم اپنی آنکھ میں ہر دم ملال رکھتے ہیں

زمانے بھر سے بچا کر وہ اپنے آنچل میں
مرے وجود کے ٹکڑے سنبھال رکھتے ہیں

کچھ اِس لئے بھی تو بے حال ہو گئے ہم لوگ
تمہاری یاد کا بے حد خیال رکھتے ہیں

(وصی شاہ)

Tere gale me jo baahon ko daal rakhte hai, 

tujhe manane ka kaisa kamaal rakhte hai,

tujhe khabar hai tujhe sochne ki khatir hum,

bahut se kaam muqaddar pe taal rakhte hai,

Kio bhi faisla hum soch kar nahi karte,

Tumhare naam ka sikka uchhal rakthe hai,

Tumhare baad yeh aadat si ho gayi apni,

bikharte sookhte patte sambhal rakhte hai,

Khushi si milti hai khudko aziyatein de kar,

so jaan bujh ke dilko nidhaal rakhte hai,

Kabhi kabhi wo mujhe has ke dekh lete hai,

kabhi kabhi mera behad khayal rakhte hai,

tumhare hijar me ye haal hogaya apna,

kisika khat ho usse bhi sambhal rakhte hai,

khushi mile to tere baad khush nahi hote,

hum apni aankh me har dal malaal rakhte hia,

Zamane bhar se bacha kar wo apni panaah mein,

mere wajood ke tukde sambhal rakhte hai,

kuch is liye bhi to behaal ho gaye hum log,

tumhari yaad ka behad khayal rakhte hia...