ہنگارین باشندے نے لکڑی کی مدد سے پوری گاڑی ڈیزائن کرڈالی

بڈاپسٹ…این جی ٹی…عام دھات سے تیار کی گئی پُرتعیش گاڑیاں تو ہر کسی نے دیکھی ہونگی تاہم اب ہم آپ کو دکھاتے ہیں ایسی ہی ایک چلتی پھرتی گاڑی واکس جو مکمل طورپر لکڑی کے ٹکڑوں سے تیار کی گئی ہے۔ہنگری سے تعلق رکھنے والے51سالہ اسٹوان پوسکاس نامی شخص نے 4ماہ کی کٹھن محنت کے بعدجیپ نما گاڑی کا لکڑی سے مکمل ماڈل تیارکرلیا ہے۔پوسکاس نے اس گاڑی کا فیول ٹینک بیرل سے جبکہ سسپینشن اور گےئر باکس لکڑی سے ہی ڈیزائن کیا ہے۔پولش گاڑی فیاٹ کا انجن اورپرانی مرسڈیز بینز کا اسٹیرنگ وہیل لیے اس گاڑی کا بیرونی ڈھانچہ،ڈیش بورڈبلکہ وہیل کیپس بھی لکڑی سے تیار کیے گئے ہیں۔