موٹے افراد کو نزلہ زکام جیسی موسمی بیماریاں زیادہ ہوتی ہیں،تحقیق

نیویارک…نئی تحقیق سے پتا چلا ہے کہ موٹے افراد کو نزلہ زکام جیسے امراض اور موسمی بیماریاں زیادہ ہوتی ہیں۔موٹاپے سے دل کے امراض اور ذیابیطس کا خطرہ تو ہوتا ہی ہے تاہم امریکا میں کی گئی ایک تحقیق کے مطابق موٹے افراد دیگر بیماریوں میں بھی جلد مبتلا ہوجاتے ہیں۔ایک امریکی یونی ورسٹی میں کی گئی تحقیق میں کہا گیا ہے کہ موٹاپے کی وجہ سے پھیپھڑوں کے انفیکشن اور دیگر موسمی بیماریوں میں مبتلا ہونے کے امکانات بڑھ جاتے ہیں۔امریکی میڈیکل جرنل میں شائع کی گئی رپورٹ کے مطابق برڈ فلو سے مرنے والے ہر 6 افراد میں سے 5 موٹاپے کا شکار تھے۔