تین سالہ ننھی مصورہ

یہ تصویر دیکھیں کیا آپ تسلیم کریں گے کہ یہ شاہکار کسی معروف یا پختہ مصور کا نہیں بلکہ ایک تین سالہ بچی کا تیار کردہ ہے۔

جی ہاں آئرس ہیلم شاہ نامی یہ بچی مصوری سے محبت کرتی ہے اور اس کا نتیجہ انتہائی شاہکار تصویروں کی شکل میں سامنے آرہا ہے۔

اس کی تصویروں نے مصوری کی دنیا میں تہلکہ مچادیا ہے اور ابھی سے وہ اچھے داموں میں فروخت ہونا بھی شروع ہوگئی ہیں جبکہ لندن میں اس کی نمائش بھی ہونے والی ہے۔

اور ابھی اس کی عمر صرف 3 سال ہے مگر فطرت کی منظرکشی میں اس نے بڑے بڑوں کو پیچھے چھوڑ دیا ہے۔

سب سے حیرت انگیز بات یہ ہے کہ یہ ننھی مصورہ ذہنی طور پر نارمل نہیں، وہ بات نہیں کرسکتی اور دیگر بچوں سے خوفزدہ رہتی ہے تاہم اس کا کام اسے سکون، فرحت اور علاج فراہم کرتا ہے۔